توكيو وليمپياداسى قارساڭىنداعى ەڭ سوڭعى رەيتينگتىك تۋرنيردە قازاقستاننىڭ ءتورت ورەنى جۇلدەلى ورىندار ءۇشىن تالاستى. سولاردىڭ اراسىنان قايسار الپىسبايدىڭ اسىعى الشىسىنان ءتۇستى. 60 كيلو سالماقتا سىنعا تۇسكەن قانداسىمىز بارلىق قارسىلاستارىن قاپى قالدىرىپ, فينالدا لاتۆيالىق كالۆيچ كالىنىشتى ۇتتى. ءسويتىپ, قايسار باس جۇلدەنى ولجالادى.
ءدال وسى سالماقتا كۇش سىناسقان دارحان ءاسادىلوۆ قولا مەدالدى قاناعات تۇتتى.
ايەلدەر اراسىندا 50 كيلو سالماق دارەجەسىندە ونەر كورسەتكەن ءمولدىر جاڭبىربايدىڭ دا جەڭىس تۇعىرىنىڭ ەڭ بيىك ساتىسىنا كوتەرىلۋگە تاماشا مۇمكىندىگى بولدى. الايدا شەشۋشى تۇستا ول فيليپپيندىك دجۋننا تسۋكيدەن جەڭىلگەن ول كۇمىس جۇلدەنى يەلەندى.
ال بەيبارىس جاڭبىر (75 كيلو) ءۇشىنشى ورىن ءۇشىن تارتىستا قارسىلاسىنا ەسە جىبەردى.
وسىلايشا, 86 مەملەكەتتەن كەلگەن 710 كاراتەشىنىڭ قاتىسۋىمەن وتكەن جارىستى قازاقستاننىڭ ۇلتتىق قۇراما كومانداسى 1 التىن, 1 كۇمىس جانە 1 قولا مەدالمەن قورىتىندىلادى.
