ساياسات • 30 ءساۋىر، 2021

قازاقستان ەلشىسى يتاليا پرەزيدەنتىنە سەنىم گراموتالارىن تاپسىردى

12 رەت كورسەتىلدى

قازاقستان ەلشىسى ەربولات سەمباەۆ يتاليانىڭ پرەزيدەنتى سەردجو ماتتارەللاعا سەنىم گراموتالارىن تاپسىردى، دەپ حابارلايدى Egemen.kz سىرتقى ىستەر مينيسترلىگىنىڭ ءباسپاسوز قىزمەتىنە سىلتەمە جاساپ.

كۆيرينالە سارايىنداعى سالتاناتتى راسىمنەن كەيىن ولاردىڭ ەكىجاقتى كەزدەسۋى ءوتىپ، قازاقستان ەلشىسى ەربولات سەمباەۆ پرەزيدەنت قاسىم-جومارت توقاەۆتىڭ  جىلى لەبىزىن جەتكىزدى. سونداي-اق تاراپتار قازاقستان مەن يتاليا اراسىنداعى ساياسي، ساۋدا-ەكونوميكالىق ىنتىماقتاستىقتىڭ نەگىزگى ماسەلەلەرىن تالقىلادى.

س. ماتتارەللا ءوز كەزەگىندە ارىپتەسىنە ىستىق دوستىق ىقىلاسىن جەتكىزىپ، قازاقستان حالقىنا بەيبىتشىلىك پەن وركەندەۋ تىلەدى.

كەزدەسۋ سوڭىندا وتاندىق ديپلومات ەكىجاقتى ىنتىماقتاستىقتى ودان ءارى نىعايتۋعا بار كۇش-جىگەرىن سالۋعا دايىن ەكەنىن ءبىلدىردى. يتاليا پرەزيدەنتى ءوز تاراپىنان ەلشىنى ديپلوماتيالىق ميسسياسىنىڭ باستالۋىمەن قۇتتىقتاپ، الداعى جۇمىسىنا ساتتىلىك تىلەدى.

سوڭعى جاڭالىقتار

ۇقساس جاڭالىقتار