ايماقتار • 30 ءساۋىر، 2021

الماتى اۋەجايى تۇرىك كومپانياسىنىڭ رەسمي يەلىگىنە ءوتتى

38 رەت كورسەتىلدى

تۇركيانىڭ TAV كومپانياسى الماتىنىڭ حالىقارالىق اۋەجايىن ساتىپ الۋ پروتسەدۋراسىن اياقتادى، دەپ حابارلايدى Egemen.kz 

«TAV Airports (Groupe ADP قۇرامىنا كىرەدى) كومپانياسى ساتىپ الۋدى اياقتاپ، ەلدىڭ ەكونوميكالىق استاناسىندا ورنالاسقان قازاقستاننىڭ ەڭ كوپ جۇمىس ىستەيتىن اۋەجايى – الماتى قالاسى اۋەجايىنىڭ وپەراتسيالىق قىزمەتىن باسقارۋدى ءوز موينىنا الدى. مامىلە بويىنشا ەسەپ ايىرىسۋ اياقتالعاننان كەيىن، TAV اۋەجاي مەن وتىن جەتكىزۋ جانە تاماقتانۋ قىزمەتتەرىن ۇسىناتىن بايلانىستى كاسىپورىنداردىڭ 85% اكتسيالارىنىڭ بەنەفيتسيار يەسى. اكتسيالاردىڭ قالعان 15% Vpe Capital باسقاراتىن Kazakhstan Infrastructure Fund قورىنا تيەسىلى»، دەپ مالىمدەدى اۋەجاي ءباسپاسوز قىزمەتىنىڭ وكىلى.

TAV كومپانياسى الماتى اۋەجايىن ۋاقىتشا كەلىسىم كونتسەسسياسى نەگىزىندە ەمەس، مەنشىك يەسى قۇقىعىندا باسقارادى. TAV Airports پرەزيدەنتى جانە باس اتقارۋشى ديرەكتورى ساني شەنەردىڭ ايتۋىنشا، الماتى اۋەجايىنىڭ ايتارلىقتاي دامۋ الەۋەتى بار.

ء«بىز الماتى اۋەجايىنىڭ ايتارلىقتاي ءوسۋ الەۋەتى بار دەپ سانايمىز جانە ءبىزدىڭ كوپجىلدىق تاجىريبەمىزگە سۇيەنە وتىرىپ، وسى الەۋەتتى تولىق كولەمدە ىسكە اسىرۋ ءۇشىن جۇمىس ىستەيتىن بولامىز. بۇكىل الەم بويىنشا اۋەجايلاردى باسقاراتىن ءىرى توپتىڭ ءبىر بولىگى رەتىندە ءبىز الماتىنى ءوڭىردىڭ ىسكەرلىك استاناسى رەتىندە جانە قازاقستاندى مادەني مۇراسى باي جانە تۋريستىك الەۋەتى جوعارى ەل رەتىندە ىلگەرىلەتەتىن بولامىز. ءبىزدىڭ باعىتتاردى جاساۋداعى تاجىريبەمىز الماتىنىڭ الەممەن كولىك بايلانىسىن كەڭەيتۋگە كومەكتەسەدى. مىسال رەتىندە، گرۋزياداعى اۋەجايلاردى باسقارعان 10 جىل ىشىندە ءبىز باعىتتار سانىن ەكى ەسەگە ارتتىرىپ، جولاۋشىلار اعىنىن جەتى ەسەگە ارتتىردىق»، دەيدى ساني شەنەر.

ونىڭ سوزىنشە، پاندەمياعا بايلانىستى ترافيكتىڭ تومەندەۋىن ەسكەرە وتىرىپ، بۇرىن كەلىسىلگەن 415 ميلليون دوللارلىق ساتىپ الۋ باعاسى 365 ميلليون دوللارعا دەيىن تومەندەدى. ترافيكتىڭ پاندەميادان بۇرىن قالپىنا كەلۋىنە بايلانىستى ساتىپ الۋشىلار كونسورتسيۋمى بولاشاقتا قوسىمشا 50 ميلليون دوللار تولەيدى.

سوڭعى جاڭالىقتار

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

شامانىڭ ءانى

ونەر • كەشە

سوتتالعان جىرلار

ادەبيەت • كەشە

9 اي «تولعاتقان» 9 پايىز

ەكونوميكا • كەشە

ۇقساس جاڭالىقتار