اقتاۋ قالاسىندا ايەلدىڭ ولىمىنە قاتىسى بار كۇدىكتى كوپ ۇزاماي ۇستالدى. ول قايعىلى وقيعاعا دەيىن ازاماتشامەن بىرگە ءبىر پاتەردە تۇرعان. 1991 جىلى تۋعان مارقۇمنىڭ ءمايىتى 25 ءساۋىر كۇنى قالانىڭ 5-شاعىناۋداعى كوپپاتتەرلى ۇيلەردىڭ بىرىنەن تابىلدى. قايعىلى جايت تۋرالى حابارلاما كەزەكشى پوليتسيا بولىمشەسىنە شامامەن ساعات 22:30-دا تۇسكەن.
پوليتسيا وكىلدەرى انىقتاعانداي, ول قىلمىس جاساعاننان كەيىن جابىرلەنۋشىنىڭ بانك كارتاسىنان 3 ملن تەڭگەنى وزىنە اۋدارىپ, اتىراۋ وبلىسىنا كەتىپ قالعان. الايدا جەدەل ۋاكىلدەر ونى تەز قولعا ءتۇسىردى. قازىر قىلمىسكەر ماڭعىستاۋ وبلىستىق ۋاقىتشا ۇستاۋ يزولياتورىنا قامالعان. ەر ادام كىناسىن تولىق مويىندادى. وعان قر قىلمىستىق كودەكسىنىڭ 99-بابى (ادام ءولتىرۋ) بويىنشا سوتقا دەيىنگى تەرگەۋ جۇرگىزىلىپ جاتىر. كەيىننەن سوت-مەديتسينالىق ساراپتاما تاعايىندالدى.
