قاج دەپارتامەنتىنىڭ پروباتسيا قىزمەتى ءبولىمىنىڭ ماماندارى سوتتالۋشىلارعا جازاسىن وتەپ كەلگەسىن قوعام ورتاسىنا بەيىمدەلۋى مەن قايتا قىلمىس جاساماۋعا ءار كەزدە قولۇشىن سوزىپ, قامقورلىق تانىتادى.
پقب ماماندارى ءارتۇرلى تاربيەدەگى جاندارمەن جۇمىس اتقارادى. ولار قىزمەتتەرىن جاۋاپكەرشىلىكپەن, ءارى اسا ىجداعاتتىلىقپەن ىستەپ كەلەدى. سوندىقتان بۇل ماماندىققا كەزدەيسوق بىرەۋلەر كەلە قويمايدى. باقىلاۋداعى ادامداردىڭ مىنەز-قۇلقى مەن قاساقانا ارازدىققا يتەرمەلەۋىنە جول بەرمەۋى ءتيىس. بۇل تۇرعىدا شقو بويىنشا قاج دەپارتامەنتىنىڭ پقب-نىڭ ماماندارىنىڭ جۇمىسى تابىستى دەۋگە بولادى. سونىڭ ىشىندە زايسان اۋداندىق پقب-نىڭ كادرلىق قۇرامى جاس ماماندارمەن تولىعىپ جاتىر.
ءبولىم باسشىلىعى جاس ماماندارعا سوتتالعاندارمەن ءوزارا قارىم-قاتىناستى, قىزمەتتىك بايلانىستى, جاۋاپكەرشىلىگى مول سالانىڭ قىر-سىرىن, جاي-جاپسارىن ءتۇسىندىرىپ, جاس ماماندارعا قامقورلىق پەن قولداۋ كورسەتىپ ءجۇر. سونىمەن قاتار جاس مامانداردى ەرتە ءجۇرىپ سوتتالعانداردىڭ قاماۋدان كەيىنگى ومىرگە قالاي بەيىمدەلۋىندەگى جاعدايلارىمەن تانىستىرىپ, ءۇي-ءۇيدى ارالاپ بايلانىس ورناتىپ, ءوزىنىڭ جانە سوتتالعان ازاماتتىڭ زاڭدى قۇقىقتارىندا جۇمىس ىستەپ, تەز مەڭگەرۋىنە قولقابىس جاساپ وتىر.
بۇگىندە ءىىم-ءنىڭ شىراقبەك قابىلباەۆ اتىنداعى قوستاناي اكادەمياسىنىڭ بولاشاق تۇلەگى تىلەك ەسىمدى كۋرسانت زايسان اۋداندىق پقب-نىڭ قۇقىق قورعاۋ سالاسىندا العاشقى تاجىريبەسىن باستاپ كەتتى. ساناۋلى ۋاقىتتىڭ ىشىندە ءوزىنىڭ قۇقىق قورعاۋ سالاسىنىڭ بىلىكتى مامانى بولاتىندىعىنا – وسى العان ءبىلىمى مەن تاربيەسى, ەڭ باستىسى سالماقتى مىنەزى مەن ادامگەرشىلىك قاسيەتى دالەل. وزىنە جۇكتەلگەن مىندەتتەر مەن تاپسىرمالاردى تياناقتى ءارى جاۋاپكەرشىلىكپەن ورىندايدى.
باستىسى وتانعا قىزمەت ەتەمىن دەگەن پقب-ءنىڭ جاس ماماندارىنىڭ مىندەتى – ءتيىستى كاسىبي تاجىريبەدەن, تاعىلىمدامادان ءوتىپ, وزدەرىن جاقسى قىرىنان كورسەتە ءبىلۋ.
