شىعىس قازاقستان وبلىسىندا قر اكىمشىلىك قۇقىق بۇزۋشىلىق تۋرالى كودەكسىن جانە قر ازاماتتىق پروتسەستىك كودەكسىن بۇزعانى ءۇشىن جىل باسىنان بەرى سوت شەشىمى بويىنشا توعىز شەتەلدىك ازامات ەل اۋماعىنان شىعارىلدى.
بۇگىنگى تاڭدا ولاردىڭ بەسەۋى باس بوستاندىعىنان ايىرۋ ورىندارىنان بوساتىلدى. ماسەلەن, 20 ساۋىردە جارما اۋداندىق سوتىنىڭ شەشىمى بويىنشا وزبەكستان رەسپۋبليكاسىنىڭ ازاماتشاسى ەلدەن شىعارىلدى, ول 2011 جىلى ەسىرتكى زاتتارىن زاڭسىز ساتىپ العانى جانە تاسىمالداعانى ءۇشىن سوتتالعان بولاتىن. ايەل جازاسىن وۆ 156/18-دە وتەگەن. قولدانىستاعى زاڭناماعا سايكەس اتالعان ازاماتشاعا قر-عا كىرۋگە بەس جىل مەرزىمگە تىيىم سالىندى.
كوشى-قون قىزمەتىنىڭ قىزمەتكەرلەرى تۇراقتى نەگىزدە وبلىس اۋماعىندا شەتەلدىكتەردىڭ بولۋىن باقىلاۋ بويىنشا جۇمىس جۇرگىزىپ كەلەدى. ءىس-شارالار بارىسىندا قر زاڭناماسىن بۇزعانى ءۇشىن 206 ازامات اكىمشىلىك جاۋاپكەرشىلىككە تارتىلدى.
