قوعام • 28 ءساۋىر، 2021

ەلىمىزدەگى كولىك سالاسىنا جاڭا تالاپتار ەنگىزىلەدى

1431 رەت كورسەتىلدى

يندۋستريا جانە ينفراقۇرىلىمدىق دامۋ مينيسترلىگى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كولىك ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ازىرلەپ، ۇكىمەتتىڭ قاراۋىنا ەنگىزدى، دەپ حابارلايدى Egemen.kz

زاڭناماعا ەنگىزىلگەن وزگەرىستەر كەلەسى مىندەتتەردى شەشەدى:

- كولىكتىك باقىلاۋ جۇيەسىندە ادام فاكتورى مەن سىبايلاس جەمقورلىق تاۋەكەلدەرىن جويۋ;

- اۆتوجولداردىڭ ساقتالۋىن ارتتىرۋ، اكىمشىلىك كەدەرگىلەردى ازايتۋ;

- قازاقستان رەسپۋبليكاسىنىڭ اۋماعى بويىنشا ءىرى كولەمدى جانە اۋىر سالماقتى اۆتوكولىك قۇرالىنىڭ ءجۇرىپ وتكەنى ءۇشىن جينالاتىن الىمدار ەسەبىنەن رەسپۋبليكالىق بيۋدجەت كىرىسىن ۇلعايتۋ;

- كاسپي تەڭىزىنىڭ قازاقستاندىق سەكتورىندا سۋعا باتقان شەتەلدىك كەمەلەردى كوتەرۋدىڭ قۇقىقتىق تەتىكتەرىن بەلگىلەۋ;

- تەمىرجول كولىگىندەگى اپاتتاردى، سونداي-اق كەمەلەردە بولاتىن اپاتتىق جاعدايلاردى تەرگەۋدىڭ قولدانىستاعى تەتىكتەرىن جەتىلدىرۋ;

- ۇشۋ قاۋىپسىزدىگى مەن اۋەدەگى قاۋىپسىزدىكتى ارتتىرۋ;

- ازاماتتىق اۆياتسيانىڭ ترانزيتتىك الەۋەتىن نىعايتۋ جانە قازاقستاننىڭ اۆياتسيالىق بيلىك ورىندارىنىڭ وكىلەتتىكتەرىن كۇشەيتۋ جانە بەدەلىن ارتتىرۋ;

- جالپى كولىك سالاسىنداعى زاڭنامانى جەتىلدىرۋ.

زاڭ جوباسىندا:

- ازاماتتىق اۆياتسيا سالاسىنداعى ۋاكىلەتتى ۇيىمدى ينستيتۋتسيونالدىق دامىتۋ ارقىلى ازاماتتىق اۆياتسيا سالاسىنداعى مەملەكەتتىك رەتتەۋدىڭ تيىمدىلىگىن ارتتىرۋ;

- تەڭىز اپاتتارىنىڭ سالدارىن جويۋعا بايلانىستى قاتىناستاردى رەتتەۋ، سونداي-اق باتىپ كەتكەن كەمە مەن م ۇلىكتىڭ ورنالاسقان جەرىن، بەلگىلەۋىن جانە جويىلۋىن انىقتاۋ ءۇشىن قارجىلىق قامتاماسىز ەتۋدى بەلگىلەۋ;

- كەمەلەرمەن بولعان اپاتتىق جاعدايلاردى، سونداي-اق تەمىرجول كولىگىندەگى اپاتتاردى، اپاتتار مەن وقيعالاردى، ونىڭ ىشىندە جولاۋشىلار پويىزىندا ۆاگونداردىڭ شىعىپ كەتۋىنە اكەپ سوققان تەرگەۋدىڭ جەدەلدىگىن قامتاماسىز ەتۋ قاراستىرىلعان.

«بۇل شارالاردى ىسكە اسىرۋ رەسپۋبليكالىق بيۋدجەت ەسەبىنەن قوسىمشا قارجى شىعىنىن تالاپ ەتپەيدى، سونداي-اق تەرىس الەۋمەتتىك-ەكونوميكالىق، قۇقىقتىق جانە ەكولوگيالىق سالدارى بولمايدى»، دەلىنگەن يندۋستريا جانە ينفراقۇرىلىمدىق دامۋ مينيسترلىگىنىڭ مالىمەتىندە.

سوڭعى جاڭالىقتار

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

ۇقساس جاڭالىقتار