«جىل سايىن 28 ساۋىردە الەمدىك قاۋىمداستىق دۇنيەجۇزىلىك ەڭبەكتى قورعاۋ كۇنىن اتاپ وتەدى. بۇل كۇن بارلىق ەڭبەك ۇجىمدارى جۇمىسىنىڭ ماڭىزدى جانە كەڭ كولەمدى قىرلارىنا جۇرتشىلىق نازارىن اۋدارۋ, جاراقاتتانۋدى ازايتۋعا جاردەمدەسۋ جانە جۇمىس ورىندارىنداعى جازاتايىم وقيعالاردىڭ سانىن ازايتۋ ءۇشىن بەكىتىلگەن.
بيىل دۇنيەجۇزىلىك ەڭبەكتى قورعاۋ كۇنىنىڭ تاقىرىبى «داعدارىستى الدىن الا بولجاۋ, وعان دايىندالۋ جانە دەن قويۋ – تۇراقتى قاۋىپسىزدىك جۇيەلەرىنە قازىردەن ينۆەستيتسيا سالۋ» بولىپ جاريالاندى. اتالعان تاقىرىپ الەمدە COVID-19 پاندەمياسىنىڭ ورشۋىنە بايلانىستى تاڭدالعان.
2020-2021 جىلدارى العان تاجىريبەنى ەسكەرە وتىرىپ, ءبىز ەڭبەكتى قورعاۋ جۇيەسىن بىرلەسىپ نىعايتىپ, جەتىلدىرۋگە, اعىمداعى داعدارىس پەن ىقتيمال بولاشاق سىن-قاتەرلەر الدىندا ورنىقتى بولىپ قالۋعا ءتيىسپىز.
ستاتيستيكا بويىنشا, ەلىمىزدە جىل سايىن 1,5 مىڭنان استام ادام جۇمىس ورىندارىنداعى جازاتايىم وقيعالاردىڭ سالدارىندا ءارتۇرلى جاراقات الىپ, 200-گە جۋىعى قازا تابادى. جىل باسىنان بەرى 267 وقيعا تىركەلىپ, 307 ادام زارداپ شەكتى.
بارلىق ەڭبەك زاڭناماسىن بۇزۋدىڭ شامامەن 30%-ى ەڭبەك قاۋىپسىزدىگى جانە ونى قورعاۋ ماسەلەلەرىنە بايلانىستى. سوندىقتان بارىمىزگە ەڭبەك قىزمەتى پروتسەسىندە قىزمەتكەرلەردىڭ قاۋىپسىزدىگى كەپىلدىگىن قامتاماسىز ەتۋ بويىنشا كۇش سالۋ ماڭىزدى بولىپ وتىر.
ەڭبەكتى قورعاۋ جانە ونىڭ قاۋىپسىزدىگىنە قاتىستى بارلىق تاراپتى: جۇمىس بەرۋشىلەردى, ەڭبەكتى قورعاۋ جونىندەگى مامانداردى, وقىتۋشىلاردى, كاسىپوداق ۇيىمدارىنىڭ ەڭبەكتى قورعاۋ جونىندەگى وكىلەتتى وقۋ ورتالىقتارىنىڭ ادىسكەرلەرى مەن جۇمىسكەرلەرىن, تەحنيكالىق ەڭبەك ينسپەكتورلارىن, جۇمىسكەرلەردى ەڭبەكتى قورعاۋدى قامتاماسىز ەتۋگە بەلسەندى قاتىسۋعا جانە دە ءوز جۇمىسى بارىسىندا «Vision Zero» نولدىك جاراقاتتانۋ تۇجىرىمداماسىنىڭ قاعيداتتارىن ۇستانۋعا شاقىرامىن», دەلىنگەن سەرىك شاپكەنوۆتىڭ قۇتتىقتاۋىندا.
