بىلتىر 18,5 مىڭ بولعان, ياعني 1,8 ەسە ارتىق. وتكەن تاۋلىكتە 689 ادام كوروناۆيرۋس جۇقتىرعان.
«وسى جىلدىڭ ءساۋىر ايىندا اۋرۋشاڭدىق بولجامدى تۇردە ءوسۋىن جالعاستىرۋدا. ەپيدەميانىڭ دامۋ سەرپىنى 3-اپتاداعى پيسسەميستىك بولجامعا سايكەس كەلەدى. بولجام بويىنشا 14 483 جاعداي كوزدەلگەن, ال ءساۋىردىڭ العاشقى ءۇش اپتاسىندا ۆيرۋس جۇقتىرعان 13 397 وقيعاسى تىركەلدى. سوندىقتان قالاداعى ەپيدەميولوگيالىق جاعداي قازىر كۇردەلى. سول سەبەپتى شەكتەۋ شارالارىن جۇمسارتقان جوقپىز», دەدى جانداربەك بەكشين.
بۇدان بولەك, بەكشين ۆيرۋستىڭ قازىرگى دامۋ ديناميكاسىندا سيمپتومى بار ناۋقاستار سانىنىڭ كوبەيگەنىن اتاپ ءوتتى.
«بيىلعى قاڭتار ايىندا سيمپتوممەن تىركەلگەن ناۋقاستاردىڭ ۇلەسى 73% بولسا, بۇگىنگى تاڭدا ول 90%-عا جەتكەن. بۇل اۋرۋدىڭ نەعۇرلىم اگرەسسيۆتى قوزدىرعىشىنىڭ بولۋىن راستايدى. وعان قوسا ۆيرۋستىڭ مۋتاتسيالانعان شتامدارى پايدا بولدى», دەدى قالانىڭ باس سانيتار دارىگەرى.
