ت.قاراعويشين الماتى ساۋلەت-قۇرىلىس ينستيتۋتىن «ينجەنەر-قۇرىلىسشى» ماماندىعى بويىنشا (1985 جىلى), سونداي-اق تەحنولوگيا, قۇرىلىس, باعالاۋ جانە ساپانى باسقارۋ ۋنيۆەرسيتەتىن «زاڭگەر-ساراپشى» ماماندىعى بويىنشا (2004 جىلى) بىتىرگەن.
ەڭبەك جولىن 1985 جىلى ورال وبلىسى پمك-5 ۋچاسكەسىنىڭ شەبەرى بولىپ باستاپ, كەيىن پرورابى بولعان. «ورالاۆتودور» باس مامانى, ديرەكتوردىڭ ورىنباسارى, بقو بويىنشا ساۋلەت-قۇرىلىس باقىلاۋ, ينسپەكتسيالاۋ جانە ليتسەنزيالاۋ باسقارماسىنىڭ باسشىسى, باتىس قازاقستان وبلىسى اكىمىنىڭ ورىنباسارى, «SUPER-ACCORD ASTANA» جشس باس ديرەكتورى بولىپ قىزمەت اتقاردى.
«قتج» ۇك« اق استانالىق فيليالىنىڭ جوبالاۋ جانە كۇردەلى قۇرىلىس ديرەكتسياسىن, اقمولا وبلىسى بويىنشا مەملەكەتتىك ساۋلەت-قۇرىلىس باقىلاۋ جانە ليتسەنزيالاۋ دەپارتامەنتىن, قر وڭىرلىك دامۋ مينيسترلىگى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ قۇرىلىستاعى سمەتالىق نورمالار باسقارماسىن باسقاردى.
يندۋستريا جانە ينفراقۇرىلىمدىق دامۋ مينيسترلىگى قۇرىلىس جانە تكش ىستەرى كوميتەتىنىڭ توراعاسى لاۋازىمىنا تاعايىندالعانعا دەيىن «جوبالاردى مەملەكەتتىك ۆەدومستۆودان تىس ساراپتاۋ« رمك باس ديرەكتورى بولىپ جۇمىس ىستەدى. «قۇرمەت» وردەنىمەن ماراپاتتالعان.
