بۇل تۋرالى وبلىستىق كاسىپكەرلىك پالاتاسى ديرەكتورىنىڭ ورىنباسارى پىرمۇحاممەد سىزدىقوۆ وڭىرلىك كوممۋنيكاتسيالار قىزمەتىنىڭ الاڭىندا وتكەن ونلاين بريفينگتە مالىمدەدى.
«Ashyq» جوباسى العاش بولىپ ەلىمىزدىڭ ءىرى قالالارىندا قاڭتار ايىنان باستاپ پيلوتتىق جوبا نەگىزدە ەنگىزدى. تەستتىك جۇيەدەن ءساتتى وتكەن جوبا جۋىردا ءبىزدىڭ وڭىردە دە قولدانىسقا ەنە باستادى. باعدارلامانىڭ باستى ماقساتى كاسىپكەرلەرگە وڭتايلى جاعداي جاساۋ. سونداي-اق كاسىپكەرلىك نىساندارىندا اۋرۋدىڭ تارالۋ وشاعىن بولدىرماۋ جانە كەلۋشىلەرگە قولايلى ورتا قالىپتاستىرۋ. ايماقتا قوسىمشانى پايدالانۋعا كومپيۋتەرلىك كلۋبتار, باسسەيندەر, كينوتەاترلار ءوتىنىش بەرىپ, كارانتيندىك تالاپتاردى ساقتاي وتىرىپ جۇمىس جاساۋدا», دەدى پىرمۇحاممەد ايتباي ۇلى.
«Ashyq» – قوعامدىق ورىندارعا كەلۋشىلەردى تىركەۋ قوسىمشاسى. كەلۋشىلەر QR كودتى سكانەرلەپ, اكىمشىگە كورسەتەدى. كود تۇرعىننىڭ ستاتۋسىن انىقتايدى. كەلۋشىلەرگە ستاتۋس پتر زەرتتەۋلەرىنىڭ بىرىڭعاي ينتەگراتسيالىق پورتالى جانە دەنساۋلىق مينيسترلىگى جانىنداعى covid-19 باقىلاۋ ورتالىعىنىڭ اقپاراتتىق جۇيەلەرىن سالىستىرۋ نەگىزىندە تاعايىندالادى.
تيىسىنشە, 4 ءتۇس نەگىزىندە باعدارلاما ارنايى شەشىم قابىلدايدى. ماسەلەن «قىزىل» ءتۇس – ۇيدە وقشاۋلانۋ رەجيمىن بىلدىرسە, «سارى» تۇستە تەك ءدارىحانا مەن دۇكەنگە رۇقسات ەتىلەدى. ال «كوك» پەن «جاسىل» تۇستەگى ستاتۋس يەلەرىنە قوعامدىق ورىنداردا ەمىن-ەركىن ءجۇرىپ تۇرۋىنا بولادى.
كاسىپكەرلەر «Ashyq» جوباسىنا قاتىسۋ ءۇشىن InfoKazahstan.kz سايتىنا ءوتىنىش بەرە الادى نەمەس كاسىپكەرلەر پالاتاسىنا جۇگىنۋىنە بولادى. جوبا ماقۇلدانعان ساتتەن باستاپ, 1 اپتا سىناق رەجيمىندە جۇمىس ىستەپ كورۋگە مۇمكىندىك بار. ال تۇرعىندار قوسىمشانى ينتەرنەت جەلىسىنەن جۇكتەپ الۋلارىنا بولادى.
