«بانكتىڭ قاۋىپسىزدىك قىزمەتىنەنبىز» دەپ قوڭىراۋ شالعان قاسكويلەر ادامدارعا بانك شوتتارىندا كۇماندى ارەكەتتەر جاسالدى دەپ قورقىتىپ, اقشانى ساقتاپ قالۋ ءۇشىن باسقا شوتتى اشۋ قاجەتتىگى تۋرالى ايتقان. جابىرلەنۋشىلەر ءوز اقشالارىن الاياقتاردىڭ نۇسقاۋىمەن الىنعان نەسيەنى اتالعان شوتقا اۋدارعان, كەلىپ تۇسكەن sms-حابارلامالاردان قۇپياسوزدەر مەن كودتاردى ايتىپ, بارلىق قارجىسىنان ايرىلىپ قالعان.
تاعى ءبىر فاكتى تاۋار مەن قىزمەتتەرگە الدىن الا تولەم جاساۋعا بايلانىستى بولعان. ال 38 جاستاعى پەتروپاۆلدىقتىڭ باسىنان وتكەن جاعداي, ءتىپتى, ەرەكشە. «Telegram» مەسسەندجەرىندەگى ارنالاردى قاراپ وتىرىپ, ول «اقشانى كوبەيتىپ بەرەمىن» دەگەن «قىزمەتكە» تاپ بولادى.
ەر ادام قاسكويلەرمەن حات الماسىپ, ولارعا 9 مىڭ رەسەيلىك رۋبل جىبەرەدى, بىرنەشە كۇننەن كەيىن ونىڭ قارجىسى 15 مىڭ رۋبلگە جەتكەنى تۋرالى حابارلاما كەلىپ تۇسكەن. الايدا, حات الماسۋ كەزىندە قاسكۇنەم اقشانى الۋ ءۇشىن تاعى اقشا جىبەرۋدى سۇرايدى. وڭاي ولجاعا قىزىققان قالالىق قىلمىسكەرگە 17 مىڭ رۋبل جىبەرەدى. بۇدان كەيىن قاسكوي بايلانىسقا شىقپاي قويعان.
الاياقتىڭ قۇربانىنا اينالعانىن تۇسىنگەن ەر ادام پوليتسياعا جۇگىنگەن. كەلتىرىلگەن شىعىن سوماسى 157 مىڭ تەڭگەنى قۇرادى. اتالعان فاكتىلەر قىلمىستىق كودەكستىڭ «الاياقتىق» بابى بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلدى. سوتقا دەيىنگى تەرگەۋ جۇرگىزىلىپ جاتىر.
