بۇل – جالعا بەرىلەتىن جەر ماسەلەسىندە ولاردىڭ قۇقىقتاردى قايتا تابىستاي الۋى بولىپ وتىر. وسى ماسەلە بۇرىننان بەرى قوردالانىپ كەلگەن ەدى. بۇگىندە جەرگە ماڭداي تەرىن توگىپ جۇرگەن شارۋالارعا وڭتايلى مۇمكىنشىلىك پايدا بولدى. 49 جىلدان سوڭ جەرمەن ناقتى جۇمىس ىستەپ, مال باعىپ, قورا, ءۇي سالىپ وتىرعان شارۋا ونى ءوز ۇرپاعىنا قالدىرا الادى.
راس, مەن شارۋالاردىڭ جەكەمەنشىگىنە جەر بەرۋ ۇستانىمىن قولداعان بولاتىنمىن. وكىنىشكە قاراي, قازىر قوعامنىڭ, كوميسسيا مۇشەلەرىنىڭ كوزقاراسىنا بايلانىستى, جەردى جەكەمەنشىككە بەرۋگە قاتىستى 5 جىلعا موراتوري جاريالاۋ ۇسىنىلدى. ياعني بۇل ماسەلە 5 جىل كەيىنگە قالدىرىلدى دەگەن ءسوز. ارينە, كوپشىلىكتىڭ ءۇنىن ەستىدىم, پىكىرىمەن ساناسامىن. الايدا جەردى جەكەمەنشىككە بەرمەۋگە داۋىس بەرگەنىم جوق. ءوز ۇستانىمىمدا قالدىم.
المازبەك سادىرباەۆ,
«SHOPAN ATA» قازاقستان ۇلتتىق قوي وسىرۋشىلەر قاۋىمداستىعى» دارا كاسىپكەرلەر جانە زاڭدى تۇلعالار بىرلەستىگىنىڭ توراعاسى
