جيىندى اشقان ەلباسى كىتاپحاناسىنىڭ ديرەكتورى باقىتجان تەمىربولات بۇگىنگى تاڭدا «نازارباەۆتىڭ ساياسي كوشباسشىلىعى» جانە «نازارباەۆ فەنومەنى» ۇعىمدارى الەمنىڭ جەتەكشى ساياساتكەرلەرى مەن عالىم-زەرتتەۋشىلەرىنىڭ باستى زەردەلەۋ وبەكتىسىنە اينالعانىن اتاپ ءوتتى.
«فەنومەن نازارباەۆا» كىتابى – كوپ جىلعى قاجىرلى ەڭبەكتىڭ ناتيجەسى. اۆتوردىڭ باعالاۋى, كەيىپكەردىڭ سيپاتى مەن جەكە تۇلعاسىنا جانە تۇتاستاي وقيعالارعا دەگەن وزىندىك كوزقاراسى باسىلىمنىڭ مازمۇنىنا تەرەڭىرەك ۇڭىلۋگە مۇمكىندىك بەرەدى. قازاقستانداعى بيلىك ترانزيتىنە, ساياسي وقيعالارعا كاسىبي تالداۋ جاساۋ جيناقتىڭ قۇندىلىعىن ارتتىرادى. اۆتور «مۇراگەر», «دۋمۆيرات» سياقتى تىڭ ءارى باتىل ۇعىمداردى ەنگىزگەن. ولگا ۆيدوۆانىڭ ەڭبەگى قازاقستاننىڭ تۇڭعىش پرەزيدەنتىنە دەگەن ەرەكشە قۇرمەتتىڭ بەلگىسى ەكەنى داۋسىز», دەدى ب.تەمىربولات.
كىتاپتىڭ اۆتورى و.ۆيدوۆا رەسەيدىڭ مادەني مۇراسىن شەتەلدە ناسيحاتتاۋ بويىنشا اۋقىمدى جۇمىستار جۇرگىزەدى. ونىڭ قالامىنان پوستكەڭەستىك كەڭىستىكتەگى قازىرگى ساياسي جانە رۋحاني ومىرگە ارنالعان كىتاپتار تۋعان. «ۇلت كوشباسشىلارى» جوباسىنىڭ ناتيجەسىندە قازاقستان رەسپۋبليكاسىنىڭ تۇڭعىش پرەزيدەنتى ن.نازارباەۆ تۋرالى قىتاي, اعىلشىن جانە قازاق تىلدەرىنە اۋدارىلعان كىتاپتار جارىققا شىقتى.
ەلباسىنىڭ جەكە كىتاپحاناسى قورىندا وسى اۆتوردىڭ رەسپۋبليكادا جانە شەتەلدە بۇرىن شىعارىلعان جيناقتارى بار. قازىرگى «فەنومەن نازارباەۆا» كىتابى 2020 جىلى «ەكسمو» باسپاسىنان ء«داۋىردىڭ ۇلى ساياساتكەرلەرى» سەرياسى بويىنشا جارىق كوردى.
ءىس-شاراعا قازاقستان مەن رەسەيدىڭ كورنەكتى ساياسي جانە قوعام قايراتكەرلەرى قاتىستى. مەملەكەت قايراتكەرى قۋانىش سۇلتانوۆ قازىرگى قازاقستان تاريحىن زەرتتەۋشىلەر ءۇشىن باسىلىمنىڭ قۇندىلىعىن اتاپ ءوتتى. «بۇل ءبىر تۇلعا تۋرالى ەڭبەك ەمەس. جيناقتا تۇلعانىڭ قىزمەتى ارقىلى ەلدىڭ, قوعامنىڭ ءوسۋىن كورسەتىپ وتىر. قوعامداعى قۇبىلىستاردى زەرتتەۋ ارقىلى جەكە تۇلعانىڭ قوعامنىڭ ءارتۇرلى وزگەرىستەرىنە ىقپال ەتە الاتىن مۇمكىندىگى, وعان جەتكىلىكتى ءبىلىمى, قارىم-قابىلەتى ۇلكەن ءرول اتقاراتىندىعى كورسەتىلگەن. وسى تۇرعىدان, بۇل ءبىزدىڭ رۋحاني قورىمىزعا قوسىلعان جاڭالىق دەپ ەسەپتەيمىن», دەدى ق.سۇلتانوۆ.
ەلباسى فەنومەنىنىڭ باستى جەتىستىكتەرى مەن فاكتورلارىنىڭ ءبىرى – قازاقستانداعى ەتنوسارالىق بەيبىتشىلىك پەن كەلىسىم ەكەندىگىنە رف فەدەراتسيا كەڭەسى توراعاسىنىڭ 2001-2011 جىلدارداعى كەڭەسشىسى و.كارپۋحين باسا نازار اۋداردى. «نازارباەۆ فەنومەنى ونىڭ تاربيەسى مەن تەمىرتاۋدىڭ ىستىق تسەحىندا ەڭبەكسۇيگىش ۇجىمنىڭ ورتاسىندا ابدەن شىڭدالعانىندا جاتىر. بۇل شىدامدىلىق قاسيەتى ونىڭ ءومىرىنىڭ بارلىق كەزەڭدەرىنە اسەر ەتتى. كەڭەس رەسپۋبليكالارىنداعى پرەزيدەنتتەردىڭ ەشقايسىسى مۇنداي كەرەمەت ەڭبەك جولىمەن ماقتانا المايدى. ن.ءا.نازارباەۆتىڭ ساياسي ءمانىنىڭ باستاۋى ءارى ونىڭ تاڭعاجايىپ فەنومەنىنىڭ ۇعىمى وسىندا جاتىر», دەدى ول.
نۇرسۇلتان نازارباەۆ قورىنىڭ اتقارۋشى ديرەكتورىنىڭ ورىنباسارى الكەي مارعۇلان ۇلى بىلاي دەدى. «ەلباسى فەنومەنى ءالى ۇزاق زەرتتەلەدى, ويتكەنى ونىڭ كوپتەگەن پايىمدارى 2030 جىلعا دەيىن جۇزەگە اسىرىلادى. سوندىقتان ءبىز بۇل تاقىرىپقا تاعى دا سان مارتە جۇگىنەمىز جانە تاريحي شەشىمدەردىڭ كۋاگەرلەرىمەن عانا ەمەس, Z جانە Y دەپ اتالاتىن ۇرپاقپەن دە تالقىلايتىن بولامىز. ءبىز ولارعا قازاقستاننىڭ تۇڭعىش پرەزيدەنتىنىڭ تاۋەلسىزدىك قۇندىلىقتارى مەن ساياسي مۇراسىن دۇرىس جەتكىزۋگە مىندەتتىمىز», دەدى ءا.مارعۇلان.
كىتاپتىڭ اۆتورى ولگا ۆيدوۆا: «فەنومەن نازارباەۆا» كىتابىن 2020 جىلى جازا باستادىم. 30 جىل ىشىندە نۇرسۇلتان ءابىش ۇلى نازارباەۆ ەلدى كوتەرىپ قانا قويماي, ونىڭ ەكونوميكاسىن دامىتىپ, استاناسىن سالدى. ەڭ باستىسى, ول ەل باسشىسى رەتىندە مەملەكەتكە اينالعان ۇلتتى قالىپتاستىردى. ونىڭ جارقىن جەتىستىگى – قازاقستان حالقى اسسامبلەياسى بارلىق قازاقستاندىقتار ءۇشىن بەيبىتشىلىك پەن كەلىسىمنىڭ كەپىلىنە اينالدى. بۇگىندە الەمنىڭ كوپتەگەن ساياساتكەرى ونى قۇندى تاجىريبە رەتىندە زەرتتەپ, قابىلداپ جاتىر. 2019 جىلعى بيلىك ءترانزيتى دە دانالىق پەن ساياسي كورەگەندىكتىڭ كورسەتكىشى. قازاقستاننىڭ تۇڭعىش پرەزيدەنتىنىڭ بۇل قادامى دا بۇكىل الەم ءۇشىن ۇلگى بولدى», دەپ اتاپ ءوتتى.
