قايىرىمدىلىق شاراسىنا قمدب اپپارات باسشىسى عىلىمبەك جادىگەر ۇلى, «زەكەت جانە قايىرىمدىلىق» قورىنىڭ ديرەكتورى تالعات وماروۆ, اقپارات جانە قوعاممەن بايلانىس ءبولىمىنىڭ مەڭگەرۋشىسى مارات بەكتازينوۆ جانە قوردىڭ ماماندارى قاتىستى.
«رامازان – بۇل يگى ىستەردى مولىنان جاسايتىن اي. بۇل ايدا ساۋاپتار ەسەلەنەدى. جەتىمدىك تە – اللانىڭ سىناعى. پايعامبارىمىزدىڭ (وعان اللانىڭ سالاۋاتى مەن سالەمى بولسىن) ءوزى اتا-اناسىز ءوستى. مىنا دۇنيەگە ونى اللا تاعالا راقىم ەتىپ جىبەردى. مىنە ءاربىر سىناققا مويىماي, كەرىسىنشە كۇرەسە ءبىلۋ كەرەك. ءدىني باسقارما جانىنداعى «زەكەت» قورى وزدەرىڭە كومەكتەسىپ كەلەدى ەكەن. دىنىمىزدە زەكەت بەرۋدىڭ ماڭىزى زور. اللا تاعالا سەندەردىڭ دە زەكەت بەرىپ, ساداقا جاسايتىنداي جاعدايعا جەتۋلەرىڭدى ءناسىپ ەتسىن», دەپ باتاسىن بەردى باس ءمۇفتي.
رامازان ايىندا «زەكەت جانە قايىرىمدىلىق» قورى اسىراۋشىسىنان ايىرىلعان وتباسىنا ازىق-ت ۇلىك, قاجەتتى كيىم-كەشەك جەتكىزدى. قور ديرەكتورى تالعات وماروۆتىڭ سوزىنشە سوڭعى 3 جىلدا بالالاردىڭ قىسقى-جازدىق كيىمدەرى, ورتانشى ۇل نۇرداۋلەتتىڭ وقۋ اقىسىن تولەۋ, ايلىق ازىق-ت ۇلىگىن جەتكىزۋ دە قوردىڭ ۇلەسىندە ەكەن. اكەسى دۇنيەدەن وزعان سوڭ اناسىنا بۇل پاتەر جالدامالى رەتىندە بەرىلگەن. كەيىن بەس بالا اتا-اناسىز قالعان سوڭ پاتەر تولىعىمەن بەرىلىپتى. دەگەنمەن قاجەتتى جيھازدىڭ ءبارىن «زەكەت جانە قايىرىمدىلىق» قورى جەتكىزىپ بەرگەن.
