اتا زاڭ – نەگىزگى بايلىعىمىز

كونستيتۋتسيا – 15 كونستيتۋتسيا – ءار مەملەكەتتىڭ ساياسي بەت-بەينەسىن كورسەتەتىن, ونىڭ مىزعىماستىعى مەن ءبىرتۇتاس­تى­عىن, حالىقتىڭ, بيلىكتىڭ قاعيدا­لا­رىن بەكىتەتىن قۇقىقتىق باس قۇ­جات. كونستيتۋتسيا وسىناۋ جەتى جار­عىدان باستاۋ العان تاريحى تەرەڭ جولدىڭ جالعاسى. اتا زاڭىمىزعا بيىل 15 جىل تولعالى تۇر. اللا جازسا, بيىلعى بارىس جىلىنىڭ 30 تىمىزى كۇنى بۇل مەرەيتويدى بۇكىل ەل بولىپ لايىقتى تابىستارمەن قارسى الامىز. ەندى ەلىمىزدىڭ قۇندى باس قۇجاتى تۋرالى وتكەنگە وي جىبەرەلىك. ايتار بولساق, ارنايى كونستيتۋتسيا قا­بىل­­داپ, سونىڭ نەگىزىندە قىزمەت ەتۋ ءبىزدىڭ ەلىمىزدە العاش رەت 1920 جىلعى دەكلاراتسيادان باستالادى ەكەن. سول دەكلاراتسياعا سايكەس 1926 جىلى كونستيتۋتسيا جوباسى جاسال­عان. ودان كەيىن ەلىمىزدە 1937, 1978, 1993 جىلدارى كونستيتۋتسيالار قابىلداندى. ال بۇگىنگى ەل يگىلىگىنە, ءوسىپ-وركەندەۋىمىزگە قىزمەت ەتىپ كەلە جاتقان كونستيتۋتسيا بۇكىل حالىق بولىپ داۋىس بەرۋىمىزدىڭ ءنا­تيجەسىندە 1995 جىلى قابىلدانىپ, قولدانىسقا ەنگىزىلدى. ەلىمىزدىڭ ەڭ قىمبات قازىناسى – ادام مەن ونىڭ ءومىرىنىڭ جانە بوستاندىعىنىڭ كەپىلى رەتىندە جاڭارعان اتا زاڭىمىز بۇگىندە قازاقستان حالقىنىڭ وركەنيەت كو­شىنە قوسىلۋىنا جان-جاقتى قىزمەت ەتىپ كەلەدى. سونىڭ ناتيجەسىندە قازاقستانداعى وڭ وزگەرىستەر كوڭىل قۋانتارلىقتاي. ماسەلەن, ەلباسى ۇسىنعان “قازاقستان-2030” سترا­تەگيالىق دامۋ باعدارلاماسىن ىسكە اسىرۋعا تيگىزىپ وتىرعان وڭ ىقپالى ايتارلىقتاي. ەلىمىزدە بۇرىن-سوڭدى بولماعان قۇرىلىستار قار­قىن الىپ, ازىپ-توزۋعا از قالعان اۋىلداردىڭ اجارى اشىلىپ, قانشاما جىلداردان بەرى قوردالا­نىپ, شەشىمىن كۇتكەن پروبلەما­لاردىڭ ءتۇيىنى تارقاتىلدى. ەلىمىز الىس-جاقىن شەتەلدەردە تۇراتىن قانداستارىمىزدى شاقى­رىپ, ورالمان رەتىندە كوشىرىپ اكە­لۋ­دى جۇزەگە اسىرا باستادى. جەر­گىلىكتى حالىقتىڭ باس اۋىرتار پروب­لەمالارى – اۋىز سۋ, جول, گاز ماسەلە­لەرىنە ەرەكشە ءمان بەرىلىپ, قىرۋار تىرلىكتەر اتقارىلۋدا. سونداي-اق, تالانتتى, دارىندى جاستارىمىز الەم­نىڭ اتاقتى جوعارى وقۋ ورىن­دارىندا ءبىلىم الىپ جاتىر. مەملەكەتتىك جانە بيۋدجەتتىك سالا قىزمەتكەرلەرىنىڭ, ستۋدەنتتەردىڭ, زەينەتكەرلەردىڭ, مۇگەدەك, مۇقتاج جانداردىڭ جاعدايى جىل ساناپ جاقسارىپ كەلەدى. قاراپايىم حالىق پەن بيلىك ارا­سىنداعى بايلانىس ورنىعا ءتۇسۋ­دە. بۇگىندە ءاربىر ادام سەنىم تەلە­فونى ارقىلى كەز كەلگەن كەمشىلىك پەن ولقىلىقتى جوعارىداعى ءتيىستى باسشىلارعا اشىق ءارى باتىل تۇردە جەتكىزۋگە مۇمكىندىگى بار. ونىڭ ۇستىنە, پرەزيدەنتىمىزدىڭ ەكونومي­كالىق جانە سىبايلاس جەمقورلىققا قارسى كۇرەس اشقانى دا كوپتەگەن زاڭ بۇزۋشىلىقتاردى بىلۋمەن قاتار, ودان ارىلۋعا كومەكتەسۋدە. قورىتا ايتقاندا, ەلىمىزدىڭ ءاربىر ازاماتى كونستيتۋتسياعا ءساي­كەس ەڭبەك ەتىپ, ءبىلىمىن كوتەرىپ, دەن­ساۋلىعىن جاقسارتا الادى. وسىنىڭ بارلىعى ادامزات بالاسىنىڭ قۇ­قىق­تارى مەن بوستاندىقتارىن قور­عايتىن كونستيتۋتسيانىڭ ارقاسى جانە دە ەلىمىزدىڭ كورەگەن كوشباس­شىسى ن.ءا.نازارباەۆتىڭ ەرەن ەڭبەگىنىڭ ناتيجەسى. اتا زاڭىمىز – ەڭ ۇلكەن تا­ريحي جەتىستىگىمىز. ونى ءتۇسىنىپ ءبىلۋىمىز ءارى قۇرمەتتەۋىمىز قازاقستان ازاماتىنىڭ ءتول مىندەتى ەكەنىن ۇمىتپاعانىمىز ءجون. ويتكەنى, اتا زاڭ ازاماتتىق كەپىلدىگىمىزدىڭ نەگىزگى كورسەتكىشى بولىپ تابىلادى. ەسبەرگەن قۋانىشباەۆ, قوشقاراتا اۋىلدىق  وكرۋگىنىڭ اكىمى. وڭتۇستىك قازاقستان وبلىسى, سارىاعاش اۋدانى