قوعام • 22 ءساۋىر، 2021

اۋىلدارعا اۋىز سۋدىڭ جەتۋىن Nur Otan باقىلايدى

58 رەت كورسەتىلدى

حالىقتى ساپالى اۋىز سۋمەن قامتاماسىز ەتۋ ءۇشىن ايتارلىقتاي قاراجات بولىنگەنىنە قاراماستان، جەكەلەگەن ەلدى مەكەندەردە ادامدار ءالى كۇنگە دەيىن سۋدى تاسىپ ىشۋگە ءماجبۇر. ءدال وسى ماسەلە «Nur Otan» پارتياسىندا سىبايلاس جەمقورلىققا قارسى ءىس-قيمىل جونىندەگى رەسپۋبليكالىق قوعامدىق كەڭەستىڭ وتىرىسىندا قارالدى، دەپ حابارلايدى Egemen.kz.

يندۋستريا جانە ينفراقۇرىلىمدىق دامۋ مينيسترلىگىنىڭ اقپاراتىنا سەنسەك، وتكەن جىلى ەلىمىز بويىنشا حالىقتىڭ 93،1%-ى ورتالىقتاندىرىلعان سۋمەن جابدىقتاۋعا قول جەتكىزگەن. بيىل سۋمەن جابدىقتاۋ جانە سۋ بۇرۋ جۇيەلەرىن دامىتۋ بويىنشا 319 جوبانى ىسكە اسىرۋعا 125 ملرد تەڭگە ءبولىنىپ، 793 اۋىلدى اۋىز سۋمەن قامتاماسىز ەتۋ جوسپارلانۋدا.

كەڭەس توراعاسى، ءماجىلىس دەپۋتاتى ەرلان سايروۆتىڭ ايتۋىنشا، پارتيانىڭ قوعامدىق قابىلداۋلارى مەن باق ارقىلى حالىق كوتەرگەن رەزونانستىق ماسەلەلەردى تالداعان كەزدە، ساپالى اۋىز سۋمەن قامتاماسىز ەتۋ ماسەلەسى ءالى دە وزەكتى بولىپ وتىر.

مىسالى، ساتباەۆ جانە جەزقازعان قالالارىن سۋمەن قامتاماسىز ەتۋ ءۇشىن ەسقۇلا سۋ تارتقىش قۇبىرىنىڭ قۇرىلىسى 10 جىل بويى جۇرگىزىلىپ كەلەدى. اتالعان سۋ تاراتقىش تراسساسى توپىراقتىڭ قۇلاۋ ايماعى ارقىلى وتكەنى، ال جوبادا قاراستىرىلعان سۋدى زالالسىزداندىرۋ جابدىعىنىڭ ەش جەردە شىعارىلمايتىنى انىقتالدى. بۇل ارينە، جۇمىستىڭ توقتاپ قالۋىنا جانە جوبانى تۇزەتۋ قاجەتتىلىگىنە، سونداي-اق قۇرىلىس قۇنىنىڭ قىمباتتاۋىنا اكەپ سوققانى ءسوزسىز. جوبانى ىسكە اسىرۋعا 6،32 ملرد تەڭگە جۇمسالدى. مۇنداعى جۇمىستاردى جۇرگىزۋدىڭ نورماتيۆتىك مەرزىمى بۇزىلۋىنا جانە جابدىقتاردىڭ تۇرىپ قالۋىنا بايلانىستى قازىردىڭ وزىندە قالپىنا كەلتىرۋ جۇمىستارىن قاجەت ەتەدى. ول ءۇشىن بيۋدجەتتەن قوسىمشا 463 ملن تەڭگە سۇرالىپ وتىر.

«ينفراقۇرىلىمدى جوسپارلاۋ كەزەڭىندە-اق كوپتەگەن پروبلەمالار بولعان، سۋ ايداۋ ەلدى مەكەننەن الىس ورنالاسقان جانە ماگيسترال سالۋ ءۇشىن قوسىمشا قاراجات پەن ۋاقىت قاجەت بولادى. ال ءىرى ەلدى مەكەندەردەن سۋ ايداۋ ءۇشىن ول جەرلەردە قۋات جەتكىلىكسىز. جالپى، ورتالىق جانە جەرگىلىكتى ورگانداردىڭ جوسپارلاۋ كەزىندە جىبەرگەن وسىنداي نەمقۇرايدىلىعى حالىقتىڭ مەملەكەتكە دەگەن سەنىمسىزدىگىن تۋدىرادى»، دەدى ماجىلىستەگى «Nur Otan» پارتياسى فراكتسياسىنىڭ دەپۋتاتى يۋري جۋلين.

تۇتاستاي العاندا، ماتەريالدارعا جۇرگىزىلگەن تالداۋ مەملەكەتتىك جانە وڭىرلىك باعدارلامالار شەڭبەرىندە حالىقتى اۋىز سۋمەن قامتاماسىز ەتۋ ماسەلەسى بويىنشا بولىنەتىن بيۋدجەت قاراجاتىن جۇمساۋ سالاسىنداعى زاڭبۇزۋشىلىقتار ولاردى ىسكە اسىرۋدىڭ بارلىق دەرلىك كەزەڭدەرىن قامتيتىنىن كورسەتتى.

«مەملەكەتتىك باعدارلامالاردى ىسكە اسىرۋ كەزىندە ايتارلىقتاي كوپ ولقىلىقتار، كەمشىلىكتەر، ۆەدومستۆولاردىڭ بىرلەسىپ جۇمىس ىستەي الماۋى، جاۋاپكەرشىلىكتى ءبىر-بىرىنە ىسىرا سالۋى جانە ماسەلەنى اشىق كوتەرمەي، بەيقامدىق تانىتۋ ورىن الىپ وتىر. جوبانىڭ ورىندالۋىنا جانە ونىڭ تيىمدىلىگىنە ۋاكىلەتتى ورگاندار تاراپىنان باقىلاۋدىڭ بولماۋى، اياقتالماعان، جۇمىس ىستەمەيتىن نىسانداردىڭ قاراۋسىز قالۋىنا جانە پايدالانۋعا قابىلداۋعا اكەپ سوقتىرۋدا. وسىدان سوڭ جوبادا قويىلاتىن ساپا، قۋات، ونىمدىلىك ولشەمدەرىنە جاۋاپ بەرمەيتىن نىساندار پايدالانۋعا بەرىلەدى. يندۋستريا جانە ينفراقۇرىلىمدىق دامۋ مينيسترلىگى اۋديت جۇرگىزىپ، ونى جۇرتشىلىققا ۇسىنۋى ءتيىس دەپ سانايمىز»، دەدى ەرلان سايروۆ.

سونداي-اق وتىرىس بارىسىندا باتىس قازاقستان وبلىسىنداعى سىبايلاس جەمقورلىققا قارسى ءىس-قيمىل جۇمىستارىنىڭ تيىمدىلىگى ماسەلەسى قارالدى.

كەڭەس جۇمىس توبىنىڭ مۇشەلەرى وڭىردەگى قىلمىستاردىڭ كوپشىلىگىن جەرگىلىكتى اتقارۋشى ورگانداردىڭ مەملەكەتتىك قىزمەتشىلەرى جاسايتىنىن اتاپ ءوتتى. ولار لاۋازىمدىق وكىلەتتىكتەرىن تەرىس پايدالانۋ جانە بيۋدجەت قاراجاتىن ۇرلاۋ فاكتىلەرى بويىنشا، ونىڭ ىشىندە مەملەكەتتىك باعدارلامالاردى ىسكە اسىرۋ كەزىندە جانە ورىندالعان جۇمىس اكتىلەرىنە قول قويۋ، جۇمىسقا ورنالاستىرۋ، جالاقى ەسەپتەۋ كەزىندە زاڭسىزدىقتارعا جول بەرەدى.

سىبايلاس جەمقورلىققا قارسى كۇرەس جونىندەگى ۆەدومستۆوارالىق كوميسسيا تيىمدىلىگىنىڭ تومەندىگى اتاپ ءوتىلدى. بۇل رەتتە ءارتۇرلى وبلىستىق باسقارمالاردىڭ جارتىسىنان كوبى سىبايلاس جەمقورلىققا قارسى ساياسات تۋرالى ەسەپ بەرە المادى

«وڭىردە اسا ماڭىزدى ماسەلەلەردى شەشۋدە قوعامدىق باقىلاۋعا جەتكىلىكتى كوڭىل بولىنبەيدى. كوپتەگەن شەشىمدەر ءجۇردىم-باردىم قابىلدانادى جانە بۇل اسپەكت ازاماتتاردىڭ كوڭىلىن قالدىرادى. جوعارى دەڭگەيدەگى شەنەۋنىكتەردىڭ ءاربىر قادامى، ءىس-ارەكەتى، نيەتى جۇرتقا اشىق تا، تۇسىنىكتى بولۋى كەرەك. سىبايلاس جەمقورلىققا قارسى ءىس-قيمىلداعى باستى مىندەت – قوعامدا سىبايلاس جەمقورلىققا قارسى دۇنيەتانىم مەن قۇقىقتىق سانانى قالىپتاستىرۋ»، دەپ اتاپ ءوتتى ەرلان سايروۆ.

سوڭعى جاڭالىقتار

ىندەت قايتا ءورشىدى

الەم • بۇگىن، 20:44

ليسيچانسك كىمنىڭ قولىندا؟

الەم • بۇگىن، 20:41

وڭىردە دامۋ ءۇردىسى بار

ايماقتار • بۇگىن، 20:27

تاڭدايدىڭ تارلانى

تاريح • بۇگىن، 20:24

جوعالعان سولدات

تاريح • بۇگىن، 20:22

ساناداعى سىلكىنىس نەمەسە كۇرەسكەردىڭ قالىپتاسۋى

احمەت بايتۇرسىن ۇلى • بۇگىن، 20:18

دومبىرانى دارىپتەدى

رۋحانيات • بۇگىن، 20:00

الماتىدا 36 گرادۋس ىستىق بولادى

اۋا رايى • بۇگىن، 16:40

بۇگىن - ۇلتتىق دومبىرا كۇنى

قازاقستان • بۇگىن، 08:50

ۇقساس جاڭالىقتار