سپورت • 21 ءساۋىر، 2021

ازىرشە ءۇشىنشى ورىندامىز

90 رەت كورسەتىلدى

بۇل كۇندەرى وزبەكستان استاناسى – تاشكەنتتە اۋىر اتلەتيكادان ليتسەنزيالىق ازيا چەمپيوناتى وتۋدە. سارى قۇرلىق دوداسىنا قاتىسىپ جاتقان قازاقستان قۇراماسىنىڭ قورجىنىندا ازىرشە ءبىر التىن جانە ءبىر كۇمىس مەدال بار. كۇنى كەشە جارىس جولىنا شىققان ەكى سپورتشىمىز، وكىنىشكە قاراي، جۇلدەلى ورىنداردان كورىنە المادى.

جارىستى ءساتتى باستاعان جەرلەستەرىمىز كەيىنگى كۇندەرى قارقىنىن باسەڭدەتىپ الدى. ءۇشىنشى جارىس كۇنىندە ەرلەر اراسىنداعى وتانداستارىمىزدان 73 كيلو سالماقتاعى اقمولدا سايرامكەز باق سىنادى. 2019 جىلى اقش-تىڭ لاس-ۆەگاس قالاسىندا وتكەن جاسوسپىرىمدەر اراسىنداعى الەم چەمپيوناتىندا 61 كيلودا اتوي سالىپ، ءوزىنىڭ مىقتىلىعىن دالەلدەگەن سايرامكەز اراعا ەكى جىل سالىپ، مىنە، ەرەسەكتەر دۋىنا قوسىلدى. بيىلدان باستاپ جاڭا سالماقتا ونەر كورسەتە باستاعان جاس سپورتشىمىز ءوزىنىڭ العاشقى ازيا چەمپيوناتىندا ۆ توبىندا سىنعا ءتۇسىپ ءبىرىنشى ورىن السا، جالپى ەسەپتە التىنشى ورىنعا تابان تىرەدى.

دەسە دە، اقمولدا تومەنگى توپتا قالىپ قويدىم ەكەن دەمەي، جارىستا بارىن سالدى. جۇلقا كوتەرۋدە ءۇش مۇمكىندىگىنىڭ تەك ەكەۋىن، ال سەرپە كوتەرۋدە ءۇش مۇم­كىندىگىنىڭ بارلىعىن ءتيىمدى پايدالانعان جەرلەسىمىز قوسسايىستا 310 (130+180) كيلو زىلتەمىردى باعىندىرىپ، ۆ توبىندا كوش باستادى. ا.سايرامكەزدىڭ ازيا چەمپيوناتىنداعى ناتيجەسىن ناۋرىز ايىنداعى ەل بىرىنشىلىگىمەن سالىستىرار بولساق، سپورتشىمىزدا ىلگەرىلەۋ بار ەكەنىن بايقايمىز. ماسەلەن، ول قازاقستان چەمپيوناتىندا 306 (130+176) كيلونى ەڭسەرىپ، كۇمىس مەدال يەلەنگەن بولاتىن.

ەرلەر اراسىنداعى 73 كيلو سالماقتا ريو وليمپياداسىنىڭ چەمپيونى، ءۇش دۇركىن الەم چەمپيوناتىندا، ءۇش مارتە ازيا بىرىنشىلىگىندە دارا شىققان قىتايلىق سپورتشى شي چجيۋن توپ جاردى. قوسسايىس باعدارلاماسى بويىنشا ول 363 (169+194) كيلونى باسىنان اسىرا كوتەردى. سونداي-اق جۇلقا كوتەرۋدە 169 كيلو زىلتەمىردى ەڭسەرىپ، الەم رەكوردىن جاڭارتسا، سەرپە كوتەرۋدىڭ ەكىنشى مۇمكىندىگىنەن كەيىن ەكىنشى ورىندا كەلە جاتقان تۇرىكمەنستاندىق قارسىلاسى ماقسات مەرەدوۆتان باقانداي 27 كيلو العا وزىپ كەتكەندىكتەن، ءۇشىنشى مۇمكىندىگىنە شىققان جوق.

قىزدار اراسىنداعى 64 كيلو سال­ماقتا سىنعا تۇسكەن وتانداسىمىز گۇل­نۇر ىبىراي ازيا چەمپيوناتىندا بەسىن­شى ورىن العانىمەن، قازاقستان چەم­پيو­ناتىنداعى ناتيجەسىمەن سالىستىرار بولساق، ناشار ونەر كورسەتتى. تاشكەنتتەگى تارتىستا گۇلنۇر قوسسايىستا 197 (87+110) كيلو زىلتەمىردى كوتەرۋگە شاماسى جەتكەن بولسا، ەل بىرىنشىلىگىندە ول 206 (92+114) كيلومەن چەمپيون اتانىپ ەدى. قىزدار اراسىنداعى سايىستا قىتايلىق تايپەي وكىلى ۆەن چەن 228 (100+128) كيلومەن ازيا چەمپيونى اتاندى.

جارىستىڭ العاشقى ءۇش كۇنىنەن كەيىن جەتى سپورتشىمىز قۇرلىق بىرىنشىلىگىندەگى سايىستارىن اياقتادى. ءالى جارىس جولىنا شىقپاعان 10 سپورتشىمىز بار. اتاپ ايتار بولساق، الداعى كۇندەرى ەرلەر قۇراماسىنان الەكساندر ۋۆاروۆ (81 كگ)، نۇرعيسا ادىلەت ۇلى (89 كگ)، ارتەم انتروپوۆ پەن راحات بەكبولات (102)، يبراگيم بەرسانوۆ (109)، ال قىزدار قۇراماسىنان ەكاتەرينا بىكوۆا مەن ايشا وماروۆا، كارينا قۇزعانباەۆا (81 كگ)، راۋشان مەشىتحانوۆا (87 كگ) جانە ايزادا ءمۇپتىلدا (+87 كگ) ازيا چەمپيوناتىنىڭ جۇلدەسى ءۇشىن سىنعا تۇسەتىن بولادى.

بايقاساڭىزدار، قازاقستان قۇراما­سىنان بيىلعى ازيا چەمپيوناتىندا ەرلەر اراسىندا كىلەڭ جاس سپورتشىلار باق سىناۋدا. ارينە، جارىستى اياقتاعان ارلي چونتەي مەن يگور سوندى ايتپاعاندا. سوندىقتان ەندى جارىس جولىنا شىعاتىن جىگىتتەردەن ازيانىڭ التىنىن كۇتەمىز دەگەنىمىز ابەستىك بولار. دەگەنمەن راحات بەكبولات پەن يبراگيم بەرسانوۆ تاشكەنتتە ەل قورجىنىنا جۇلدە سالادى دەپ ۇمىتتەنەمىز. ويتكەنى وسىدان ەكى جىل بۇرىن راحات 16 جاسىندا ءدال وسى وزبەكستان استاناسىندا وتكەن جاستار اراسىنداعى ازيا چەمپيوناتىندا 102 كيلو سالماقتا توپ جارعان-دى. سونداي-اق ول جارىستىڭ جۇلقا كوتەرۋىندە الەم رەكوردىن دا ورناتقان ەدى. ال بۇعان دەيىنگى تالاي دودالاردا جۇلدە الىپ، تاجىريبە جيناقتاعان يبراگيم بەرسانوۆتىڭ دا ازيا چەمپيوناتىندا توپ جاراتىن ۋاقىتى كەلدى. كىل ەل چەمپيوندارىنان قۇرالعان قىزدارىمىزدان دا جانكۇيەرلەر جۇلدە كۇتەتىنى انىق.

ازيا چەمپيوناتىنىڭ العاشقى ءۇش كۇنىنەن كەيىن جالپىكوماندالىق ەسەپتە قىتاي سپورتشىلارى 5 التىن، 4 كۇمىس مەدالمەن كوش باستاپ تۇر. كەيىنگى ورىنعا قىتايلىق تايپەي وكىلدەرى جايعاسقان. ولاردىڭ ەنشىلەرىندە ەكى التىن مەدال بار. ال ۇزدىك ۇشتىكتى ازىرگە قازاقستان قۇراماسىنىڭ سپورتشىلارى تۇيىندەپ تۇر.

 

سوڭعى جاڭالىقتار

بالۋان شولاقتىڭ دومبىراسى

ونەر • بۇگىن، 09:00

جازعا سالەم جولدايىق

ونەر • بۇگىن، 08:55

جىلقىشى اۋىلدىڭ جاقسىلىعى

ايماقتار • بۇگىن، 08:54

قانمەن جازىلعان كارتينالار

تاريح • بۇگىن، 08:45

ستۋدەنتتەردىڭ ءسوز سايىسى

ونەر • بۇگىن، 08:41

وڭتايلى ونلاين اۋكتسيون

تەحنولوگيا • بۇگىن، 08:35

قولدى بولىپ جاتقان قاراۋسىز مال

ايماقتار • بۇگىن، 08:30

براكونەرگە بۇعاۋ بولماي ما؟

ايماقتار • بۇگىن، 08:28

2021 جىل – قالپىنا كەلۋ كەزەڭى

كوروناۆيرۋس • بۇگىن، 08:25

كيىك كۇيىك پە؟

ەكولوگيا • بۇگىن، 08:18

قاۋىپتىڭ بەتىن ۆاكتسينا قايتارادى

مەديتسينا • بۇگىن، 08:15

«وسىعان دەيىن نەگە بىرىكپەدى؟»

مەديتسينا • بۇگىن، 08:13

قورقىنىشتى سەيىلتۋ قۇرالى

مەديتسينا • بۇگىن، 08:11

ءۇي سالعانعا – ۇلكەن كومەك

قوعام • بۇگىن، 08:05

بارتيمەن شەبەرلىك بايقاستى

تەننيس • بۇگىن، 08:05

«جىگىتتەر بار نارقاسقا...»

سپورت • بۇگىن، 07:59

ەكونوميكا دامۋ جولاعىنا شىقتى

ەكونوميكا • بۇگىن، 07:58

تۇركىستاننىڭ جاڭا ءداۋىرى

قوعام • بۇگىن، 07:55

ۇقساس جاڭالىقتار