قوعام • 21 ءساۋىر، 2021

جۇمىسپەن قامتۋ ورتالىعى كىمدەردى جۇمىسپەن قامتىپ ءجۇر؟

10 رەت كورسەتىلدى

«نۇر-سۇلتان قالاسى اكىمدىگىنىڭ حالىقتى جۇمىسپەن قامتۋ ورتالىعى» كمم ديرەكتورى ازامات بايتاسوۆ ورتالىقتىڭ اتقاراتىن قىزمەتى، قىسقا مەرزىمدى كاسىپتىك وقىتۋ، «ەڭبەك» باعدارلاماسى، «جاستار پراكتيكاسى» جايلى ءتۇسىندىرىپ ءوتتى، دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.

«قازىرگى ۋاقىتتا جۇمىسپەن قامتۋ ورتالىعى «ەڭبەك» جانە «جۇمىسپەن قامتۋ جول كارتاسى» باعدارلاماسى اياسىندا قىزمەت اتقارادى. «ەڭبەك» باعدارلاماسى اياسىندا كاسىپتىك وقىتۋ، جاڭا بيزنەس يدەيالاردى جۇزەگە اسىرۋعا مەملەكەتتىك گرانت بەرۋ، سونداي-اق كاسىپ نەگىزدەرىن وقىتۋ، جاستار پراكتيكاسىنا جولداما بەرۋ، الەۋمەتتىك جۇمىس ورىندارىن قۇرۋ، قوعامدىق جۇمىستار، «باستاۋ بيزنەسكە» جولدامالار بەرۋ، سول سياقتى «العاشقى جۇمىس ورنى» جوباسى سەكىلدى قىزمەتتەر اتقارىپ جاتىر»، دەدى ازامات بايتاسوۆ.

ول ءوز سوزىندە قىسقا مەرزىمدى كاسىپتىك وقىتۋ بويىنشا 120 ادام ءبىلىم الىپ جاتقانىن ايتتى.

«قازىرگى ۋاقىتتا جۇمىسسىز ازاماتتار جۇمىس ىزدەگەن جاعدايدا ونىڭ ماماندىعى، جۇمىس ءوتىلى بولماسا، بىلىكتىلىگىن جوعالتقان جاعدايدا جۇمىسپەن قامتۋ ورتالىعى ول ازاماتتى كاسىپتىك وقىتۋعا جىبەرەدى. وقىتۋ مەرزىمى ماماندىققا بايلانىستى 1-3 ايعا دەيىن سوزىلادى. وقۋ بارىسىندا مەملەكەت تاراپىنان 21 787 تەڭگە مولشەرىندە اي سايىن شاكىرتاقى تولەنەدى. وقۋ اياقتالعاننان كەيىن ولاردىڭ جۇمىسقا ورنالاسۋىنا جاردەم بەرىلەدى. بۇل قىسقا مەرزىمدى كاسىپتىك وقىتۋىمىز ەڭبەك نارىعىندا سۇرانىسقا يە ماماندىقتار بويىنشا ۇيىمداستىرىلادى. قازىرگى ۋاقىتتا ناۋبايشى، كونديتەر، باقىلاۋشى-كاسسير، كران-ماشينيست، تەحنيك، ەلەكتريك ماماندىقتارى بويىنشا قۇجات قابىلداۋ جۇرگىزىلىپ جاتىر. جوسپار بويىنشا قىسقا مەرزىمدى وقىتۋمەن 200 ادام قامتىلادى. ال قازىرگى ۋاقىتتا 120 ادام وقىپ جاتىر»، دەدى ۆەدومستۆو باسشىسى.

سونداي-اق ول نۇر-سۇلتاندا 65 ازامات «ەڭبەك» باعدارلاماسى ارقىلى مەملەكەتتىك گرانت العانىن تىلگە تيەك ەتتى. ال جاڭا بيزنەس يدەيالاردى ىسكە اسىرۋعا ارنالعان مەملەكەتتىك گرانت سوماسى – 200 اەك (583 400 تەڭگە).

«بۇل گرانتتى الۋ ءۇشىن «ەڭبەك» باعدارلاماسى بويىنشا قىسقا مەرزىمدى كاسىپتىك وقىتۋدى ءبىتىرۋ قاجەت. سول سياقتى «كاسىپكەرلەر پالاتاسى» ارقىلى «باستاۋ بيزنەس» جوباسى بويىنشا وقىساڭىز گرانتقا قۇجات تاپسىرا الاسىز. بۇل گرانت قاراجاتىن ەڭبەك قۇرالدارىنا، تەحنولوگيالىق جابدىقتارعا، سونداي-اق كوممەرتسيالىق جىلجىمايتىن م ۇلىكتى جالعا الۋ ماقساتىندا قولدانۋعا بولادى. جوسپار بويىنشا 400 ادام قامتىلادى. قازىر 65 گرانت العان ازامات بار»، دەدى ول.

ونىڭ ايتۋىنشا «جاستار پراكتيكاسى» ارقىلى 200-دەن اسا ازامات جۇمىسقا ورنالاسقان.

«جاسى 29-عا تولماعان جاس تۇلەكتەر، وقۋىن اياقتاعانىنا ءۇش جىلدان اسپاعان جانە جۇمىس ءوتىلى جوق ازاماتتار وسى باعدارلاماعا قاتىسا الادى. جۇمىس ۇزاقتىعى التى ايدان اسپايدى. جالاقى مولشەرى 94 مىڭ تەڭگە، قولعا الاتىنى – 80 مىڭ تەڭگە. جوسپار بويىنشا 900 ادام جۇمىسپەن قامتىلادى. قازىرگى ۋاقىتتا 223 ازامات وسى باعدارلاما بويىنشا جۇمىسقا ورنالاستىرىلدى»، - دەيدى ول.

ۆەدومستۆو باسشىسى ءوز سوزىندە «قوعامدىق جۇمىستار» مەملەكەتتىك باعدارلاماسى جايلى ايتتى.

«الدىن الا كاسىپتىك دايارلاۋدان ءوتۋدى تالاپ ەتپەيتىن، پايدالى باعىتى بار، جۇمىسسىز ازاماتتار ۋاقىتشا جۇمىسپەن قامتىلاتىن بۇل باعدارلامانىڭ ۇزاقتىعى – 12 اي. قازىرگى ۋاقىتتا جالاقىنىڭ مولشەرى ەكى تومەنگى ايلىق مولشەرىندە كوزدەلگەن، ياعني 85 مىڭ تەڭگە»، دەدى ول.

سونىمەن قاتار «العاشقى جۇمىس ورنى» جوباسى جايلى مالىمەت بەرىپ ءوتتى.

«بۇل – جاستارعا قاجەتتى ەڭبەك داعدىلارىن بەرۋ جانە العاشقى جۇمىس ورنىنا بەيىمدەۋ ماقساتىندا اشىلعان مەملەكەتتىك باعدارلاما. باعدارلامانىڭ ۇزاقتىعى – 24 اي. جەرگىلىكتى بيۋدجەتتەن بەرىلەتىن سۋبسيديا كولەمى – 20 اەك (58 مىڭ تەڭگە). ال جۇمىس بەرۋشى ءوز اتىنان تاعى قاراجات قوسا الادى. قازىرگى ۋاقىتتا بۇل جوبا جۇمىس بەرۋشىلەردەن ۇسىنىس قابىلداپ جاتىر»، دەدى ول.

سوڭعى جاڭالىقتار

بالۋان شولاقتىڭ دومبىراسى

ونەر • بۇگىن، 09:00

جازعا سالەم جولدايىق

ونەر • بۇگىن، 08:55

جىلقىشى اۋىلدىڭ جاقسىلىعى

ايماقتار • بۇگىن، 08:54

قانمەن جازىلعان كارتينالار

تاريح • بۇگىن، 08:45

ستۋدەنتتەردىڭ ءسوز سايىسى

ونەر • بۇگىن، 08:41

وڭتايلى ونلاين اۋكتسيون

تەحنولوگيا • بۇگىن، 08:35

قولدى بولىپ جاتقان قاراۋسىز مال

ايماقتار • بۇگىن، 08:30

براكونەرگە بۇعاۋ بولماي ما؟

ايماقتار • بۇگىن، 08:28

2021 جىل – قالپىنا كەلۋ كەزەڭى

كوروناۆيرۋس • بۇگىن، 08:25

كيىك كۇيىك پە؟

ەكولوگيا • بۇگىن، 08:18

قاۋىپتىڭ بەتىن ۆاكتسينا قايتارادى

مەديتسينا • بۇگىن، 08:15

«وسىعان دەيىن نەگە بىرىكپەدى؟»

مەديتسينا • بۇگىن، 08:13

قورقىنىشتى سەيىلتۋ قۇرالى

مەديتسينا • بۇگىن، 08:11

ءۇي سالعانعا – ۇلكەن كومەك

قوعام • بۇگىن، 08:05

بارتيمەن شەبەرلىك بايقاستى

تەننيس • بۇگىن، 08:05

«جىگىتتەر بار نارقاسقا...»

سپورت • بۇگىن، 07:59

ۇقساس جاڭالىقتار