ايماقتار • 21 ءساۋىر، 2021

تارازدا مەكتەپ وقۋشىلارى اراسىندا اتىس بولعان

36 رەت كورسەتىلدى

تارازداعى مەكتەپ وقۋشىلارى اراسىنداعى اتىستان زارداپ شەككەندەر بىرنەشە كۇننەن سوڭ اۋرۋحانادان شىعارىلادى. دارىگەرلەردىڭ سوزىنشە، ولاردىڭ ومىرىنە تونگەن قاۋىپ جوق. ال قۇزىرلى ورىن مەن ءبىلىم ءبولىمى بولعان جاعدايدى بەس كۇن بويى جاسىرعان. ءالى كۇنگە اقپارات بەرۋدەن تارتقان، دەپ حابارلايدى Egemen.kz كتك تەلەارناسىنا سىلتەمە جاساپ.

تەلەارنا مالىمەتىنشە، جاسوسپىرىمدەر اراسىنداعى جانجالعا نە سەبەپ بولعانى ءالى بەلگىسىز. وقيعا بەس كۇن بۇرىن ساعات 23:00 شاماسىندا ءشولدالا اۋىلىندا بولعان. ءبىر توپ بالا وسى ەلدىمەكەننىڭ جاسوسپىرىمدەرىنە وق اتقان. بىراق بۇل دەرەك بۇگىنگە دەيىن جاسىرىن ۇستالعان. جاپپاي تارتىپسىزدىككە قانشا ادامنىڭ قاتىسقانى بەلگىسىز. ال جاراقات العاندار سانى ۇشەۋ. ونىڭ بىرەۋى - كوللەدج ستۋدەنتى، ەكەۋى 11 سىنىپ وقۋشىسى. دەنەسى بىتىراعا تۇنىپ قالعان جابىرلەنۋشىلەر ءالى اۋرۋحانادا جاتىر.

«اۋرۋحاناعا جاتقان ۋاقىتتا ولاردىڭ جاعدايى ورتاشا اۋىر دەپ ەسەپتەلدى. بىتىرانىڭ كوپتىگىنە بايلانىستى وتا جاسالدى. بالالاردىڭ ومىرىنە قاۋىپ تونەتىندەي، بىتىرالاردىڭ قان تامىرى ماڭىنا ورنالاسۋ قاۋپى جوق. بۇگىندە جاعدايى تۇراقتى»، دەيدى جامبىل وبلىسى كوپبەيىندى بالالار اۋرۋحاناسىنىڭ باس دارىگەرى ازات ءساتجانوۆ.

ناۋقاستاردىڭ دەنەسىندەگى بىتىرانىڭ سانىندا ەسەپ جوق، الايدا جاندى جەرىنە تيمەگەن. ەم قابىلداپ جاتقان ەكەۋى ەكى كۇندە ۇيىنە جىبەرىلەدى. ال ءشولدالانىڭ تۇرعىندارى بۇل وقيعادان شوشىپ، بالالارىن كوشەگە شىعارۋعا قورقىپ وتىر. وقىس جاعدايدان كەيىن مەكتەپ ديرەكتورى مەن ونىڭ ورىنباسارىنا قاتاڭ سوگىس جاريالانعان. ال جاعدايعا قاتىستى تۇسىنىكتەمە بەرۋدەن باس تارتقان ءبىلىم ءبولىمىنىڭ باسشىسى قارۋ قولدانعان قارسى تاراپ قاي مەكتەپ وقۋشىلارى ەكەنىن ايتپاي قويعان.

تەلەارنا مالىمەتىنشە، ءتارتىپ ساقشىلارى بۇل دەرەكتى بارىنشا قۇپيا ۇستاۋعا تىرىسقان. تەك شاعىن مالىمەت تاراتقان. وندا وقيعانىڭ ءمان-جايى جان-جاقتى تۇسىندىرىلمەگەن.

ال بەيرەسمي مالىمەت بويىنشا، كورشى اۋىلدىڭ ءۇش ماشيناعا مىنگەن ءبىر توپ ازاماتى وسىندا كەلىپ، №55 مەكتەپتىڭ شاكىرتتەرىنە وق جاۋدىرعان. قارسى تاراپتىڭ اراسىندا دا مەكتەپ وقۋشىلارى بار كورىنەدى.

«بۇل دەرەك بويىنشا سوتالدى تەرگەۋ جۇرگىزىلىپ جاتىر. قىلمىس ىستەگەن كۇدىكتى ۇستالىپ، قاماۋعا الىندى. قىلمىستىق ءىستىڭ تولىق ءمان-جايى قىلمىستىق پروتسەسۋالدىق كودەكستىڭ 201-بابىنا سايكەس، تەرگەۋ مۇددەسىنە بايلانىستى جاريالانۋعا جاتپايدى»،  دەدى تاراز قالاسى №2 پب باسشىسى بەيبىت نالەكوۆ.

ايتا كەتەيىك، تەلەارنا مالىمەتىنشە، بىلتىر دا وسى اۋىلدا وقۋشىلار اراسىندا جاپپاي توبەلەس بولعان. ول كەزدە 16 بالا بەس جىگىتكە جابىلىپ، بىرەۋىن پىشاقتاپ ولتىرگەن.

سوڭعى جاڭالىقتار

ەرلىككە تولى سۋرەتتەر

رۋحانيات • بۇگىن، 13:05

كيىكتەردىڭ تولدەۋ كەزەڭى باستالدى

فوتوگالەرەيا • بۇگىن، 12:07

«بارىستىڭ» العاشقى ترانسفەرى

حوككەي • بۇگىن، 08:50

«ءان» بە، «ءۇن» بە؟

رۋحانيات • بۇگىن، 08:36

جۋرناليست قاسىم

رۋحانيات • بۇگىن، 08:34

ءسوز سويىل: ءازىل-وسپاق

رۋحانيات • بۇگىن، 08:32

دالالىق وركەنيەت تاعىلىمى

تاريح • بۇگىن، 08:23

بالاباقشانىڭ جوعىنان بارى جاقسى

ايماقتار • بۇگىن، 08:18

كاسىپكە باۋلۋ – قاسيەتتى بورىش

ايماقتار • بۇگىن، 08:16

اتى-جونىمىزگە اباي بولايىق

قوعام • بۇگىن، 08:14

ءۇي ىشىندەگى ۇيلەسىم

پىكىر • بۇگىن، 08:06

قوي باققان وزار...

ايماقتار • بۇگىن، 08:03

حالىقارالىق قۇجاتتار قابىلداندى

قازاقستان • بۇگىن، 07:58

ايسبەرگ اقيقاتى

ادەبيەت • كەشە

جوق كىتاپتى ىزدەۋ

ادەبيەت • كەشە

كرەست-كەدەرگى...

ادەبيەت • كەشە

ۇقساس جاڭالىقتار