زالعا ينستيتۋت كۋرسانتتارى كىرىپ كەلىپ, قاز-قاتار ءتىزىلىپ وتىرىسىمەن اۋديتوريانى كوڭىلدى كۇي كەرنەپ كەتتى. ءبارى دە قازاقتىڭ ورىمدەي جاستارى. اراسىندا باسقا ەتنوس وكىلدەرى بىرەن-ساران عانا.
سونىمەن, سەميناردىڭ جۇمىسى باستالىپ كەتتى. بىراق... ءىس-شارا باستالعاننان اياقتالعانشا تەك ورىس تىلىندە جۇرگىزىلدى. بىزدەن باسقا بايانداماشىلار دا الدىن الا دايىنداعان ماتىندەرىن تەگىس ورىس تىلىندە وقىدى. جانە ولاردىڭ كوبى قازاقتار ەدى. ال ءبىزدىڭ انا تىلىمىزدە سويلەگەن سوزىمىزگە جاستار ەلەڭ ەتىپ, ەرەكشە ىنتا قويىپ تىڭداعانى انىق سەزىلدى. دەمەك ولارعا ناق انا تىلىندە ايتىلاتىن ءسوز كەرەك. مۇنىڭ ءوزى كۋرسانتتاردىڭ كوپشىلىگى قازاقتىلدى ورتادان شىققاندىعىن كورسەتىپ تۇر.
ال ءىس-شارانىڭ بارىسى ولارعا اسكەري قىزمەتتە مەملەكەتتىك ءتىل كەرەك ەمەس سياقتى اسەر قالدىردى. ءبىز ءوزى قاي ەلدىڭ ساردارلارىن دايارلاپ ءجۇرمىز دەگەن وي كەلدى باسىمىزعا. وسىنداي يدەولوگيالىق ءىس-شاراداعى اڭگىمەنىڭ تىم بولماسا 30-40 پايىزى قازاقشا ايتىلۋعا ءتيىستى ەدى عوي. قازىر ءتىپتى ورىس اعايىنداردىڭ ءوزى قازاقشانى جاتسىنباي قابىلدايدى.
مەملەكەت باسشىسى قاسىم-جومارت توقاەۆتىڭ «تاۋەلسىزدىك بارىنەن قىمبات» باعدارلامالىق ماقالاسىندا: «مەملەكەتتىك ءتىلدى ءبىلۋ – قازاقستاننىڭ ءاربىر ازاماتىنىڭ پارىزى. مىندەتى دەپ تە ايتۋعا بولادى. وسى ورايدا مەن بارشا قازاقستاندىقتارعا, ونىڭ ىشىندە قازاق ءتىلىن ءالى جەتە مەڭگەرمەگەن وتانداستارىما ۇندەۋ تاستاعىم كەلەدى. جاستار اعىلشىن ءتىلىن نەمەسە باسقا دا تىلدەردى از عانا ۋاقىتتا مەڭگەرە الاتىنىن كورىپ وتىرمىز. تۇتاس بۋىن الماسقان وسى جىلداردا قازاق ءتىلىن ۇيرەنگىسى كەلگەن ادام ونى الدەقاشان ءبىلىپ شىعار ەدى. حالقىمىزدا «ەشتەن كەش جاقسى» دەگەن ءسوز بار. ەڭ باستىسى, ىنتا بولۋ كەرەك», دەپ جازعانىن اسكەري ينستيتۋت باسشىلىعى قۇلاعىنا ىلمەگەن بە, قالاي؟ الدە ول ماقالانى وقىماعان با؟
پەتروپاۆل
