قاۋلى جوباسىن اۋىل شارۋاشىلىعى مينيسترلىگى ازىرلەگەن. «اشىق نقا» پورتالىندا جاريالانعان قاۋلى جوباسىنا سايكەس, مالشىلار كۇنى مەرەكەسىن ماۋسىمنىڭ ەكىنشى جەكسەنبىسى اتاپ ءوتۋ كوزدەلگەن. قۇجات بيىلعى جىلعى 5 مامىرعا دەيىن تالقىلاۋعا ۇسىنىلعان.
«قاۋلى جوباسىن ىسكە اسىرۋ رەسپۋبليكالىق بيۋدجەتتەن قارجىلىق شىعىندارعا اكەپ سوقپايدى. قاۋلى جوباسىن قابىلداۋ تەرىس الەۋمەتتىك-ەكونوميكالىق نەمەسە ساياسي-قۇقىقتىق جانە وزگە دە سالدارلاردى بولجامايدى. جوبانىڭ ماقساتى ەلىمىزدە مالشىلار كۇنى مەرەكەسىن بەكىتۋ, سونداي-اق سالا جۇمىسكەرلەرىنىڭ بەدەلىن ارتتىرۋ, سالادا قول جەتكىزگەن جەتىستىكتەرى ءۇشىن ولاردى كوتەرمەلەۋ بولىپ تابىلادى», دەلىنگەن اۋىل شارۋاشىلىعى مينيسترلىگىنىڭ تۇسىندىرمەسىندە.
