اتىراۋ قالاسىنىڭ اۋماعىندا 2021 جىلدىڭ 12-18 ءساۋىر ارالىعىندا ياعني, ءبىر اپتا ىشىندە جاسوسپىرىمدەردىڭ وزدەرىنىڭ تۇرعىنجايلارىنان حابار-وشارسىز كەتۋ فاكتىسى بويىنشا اتىراۋ قالاسى پوليتسيا باسقارماسىنىڭ 102 وپەراتورىنا ءتورت حابارلاما تىركەلگەن. مىسالى, 2021 جىلدىڭ 18 ءساۋىر كۇنى اتىراۋ قالاسى پوليتسيا باسقارماسىنىڭ 102 وپەراتورىنا 36 جاستاعى ازاماتشا حابارلاسىپ, اشحاباد كوشەسىندە ورنالاسقان تۇرعىلىقتى مەكەنجايىنان 8 جاستاعى ءجاسوسپىرىم قىزى كۇندىزگى ساعات 13:30 شاماسىندا شىعىپ كەتىپ, ۇيىنە ورالماعاندىعى جونىندە حابارلاما بەرگەن.
حابارلاما بويىنشا ىزدەستىرۋ جۇمىستارىن جۇرگىزۋ بارىسىندا ءجاسوسپىرىم پوليتسيا قىزمەتكەرلەرى تۇنگى ساعات 01:00 شاماسىندا قالاداعى كوشەلەردىڭ بىرىنەن تاۋىپ, ءجاسوسپىرىمنىڭ ءوز بەتىنشە كوشەگە شىعىپ كەتكەندىگىن انىقتادى. ودان باسقا, اتالعان ءجاسوسپىرىمنىڭ ەشقانداي مەكتەپتە ءبىلىم المايتىندىعى بەلگىلى بولدى. سول سەبەپتى, 8 جاستاعى ءجاسوسپىرىم اتىراۋ وبلىستىق كامەلەتكە تولماعانداردى بەيىمدەۋ ورتالىعىنا ورنالاستىرىلدى.
ءارى قاراي اتالعان ءجاسوسپىرىمنىڭ اتا-اناسىنا قاتىستى ءىس-قۇجاتتار اتىراۋ قالاسى اكىمدىگى جانىنداعى كامەلەتكە تولماعانداردىڭ قۇقىعىن قورعاۋ كوميسسياسىنا جولداناتىن بولادى.
ءوز كەزەگىندە اتىراۋ قالاسى پوليتسيا باسقارماسىنىڭ يۋۆەنالدى پوليتسيا بولىمشەسىنىڭ قىزمەتكەرلەرى اتا-انالارعا قىراعى بولۋدى جانە بالالارىن قاراۋسىز قالدىرماۋ قاجەتتىگىن ەسكەرتەدى.
