«مينيسترلىك ەلىمىزدىڭ IT-قاۋىمداستىعىنان كوروناۆرۋسپەن قارسى كۇرەسكە اتسالىساتىن تەحنولوگيالىق شەشىمدەر تابۋعا كومەكتەسۋدى سۇراعان بولاتىن. مۇنداي جوبالاردىڭ ىسكە اسۋىن بيۋروكراتيالىق پروتسەستەر ۇزاققا سوزىپ جىبەرەتىنىن ەسكەرىپ, ۇسىناتىن ەرىكتى ءارى اقىسىز نەگىزدە دايىنداۋ تۋرالى ءوتىنىش ايتىلعان. ءدال وسى كەزدە نۇر-سۇلتان قالاسىنىڭ دەڭگەيىندە ازاماتتار كوپ شوعىرلانعان ورىنداردا تىركەلگەن ۆيرۋس جۇقتىرۋ جايتتارىن انىقتايتىن جوبا ءجۇرىپ جاتتى. ونى جاساۋشى – ۆيتالي پۋستوۆويتەنكو ەدى. ءبىزدىڭ ۇندەۋىمىزگە ءۇن قاتىپ, جوباسىن اقىسىز نەگىزدە تيراجداۋعا كەلىستى», دەيدى اسەت تۇرىسوۆ.
جوبا اۆتورىنا دەنساۋلىق ساقتاۋ مينيسترلىگى مەن «اتامەكەن» ۇكپ قولداۋ ءبىلدىرىپ, ىلكى جوبا ءوزىنىڭ ومىرشەڭدىگىن كورسەتتى. بۇگىن ۆيتالي پۋستوۆويتەنكو ءوز جوباسىن تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنە تاپسىردى.
«قازىر مينيسترلىك ماماندارى ول جوبانى قابىلداپ قانا قويماي, اقپاراتتىق قاۋىپسىزدىكتى ساقتاي وتىرىپ, «اقپاراتتىق تەحنولوگيالىر» اق-نىڭ سەرۆەرىنە وتكىزدى. وسىنىڭ ەسەبىنەن اقپاراتتىق قاۋىپسىزدىك بويىنشا سىناق وتكىزىپ جاتىرمىز. «Ashyq» قوسىمشاسىن بۇگىننىڭ وزىندە 235 مىڭ قولدانۋشى جۇكتەپ العان. ىلكى جوباعا 619 كاسىپكەرلىك نىسانى قاتىسىپ جاتىر. كوبىنە بۇل فيتنەس-كلۋبتار, يوگا-ورتالىقتار, سپا-ورتالىقتار, كومپيۋتەرلىك كلۋبتار, باسسەيندەر. سوڭعى ءبىر اپتادا 213 سايكەستەندىرىلگەن ادام انىقتالدى. جالپى العاندا جوبا باستالعالى 660 سايكەستەندىرىلگەن نەمەسە «قىزىل» ازامات انىقتالعان», دەيدى ۆەدومستۆو وكىلى.
ول قوسىمشانىڭ ءساۋىر ايىنىڭ اياعىنا دەيىن بارلىق وڭىردە ىسكە قوسىلاتىنىن ءمالىم ەتتى.
«جوبانى ماقساتى – بيزنەس نىساندارىندا قاۋىپسىز ورتا قالىپتاستىرۋ. ۆيرۋس جۇقتىرماعان ادامدار بۇرىنعىداي ەركىن ءومىر سالتىن ۇستانۋ ءۇشىن جاسالىپ وتىر. پتر-تەستى اۋرۋ كورسەتپەگەن ادامدار جوعارىدا اتالعان نىساندارعا كەدەرگىسىز باس سۇعا الاتىن بولادى. قوسىمشانىڭ ارقاسىندا ازاماتتار ءوز بارعىسى كەلەتىن نىساننىڭ قاۋىپسىز ەكەنىن, وندا اۋرۋدان ادا ورتا بار ەكەنىن ناقتى بىلە الادى. مۇنداي جاعداي تۋعىزۋ ارقىلى كاسىپكەرلەرگە دە ءوز ءىسىن جالعاستىرۋعا مۇمكىندىك بەرۋگە بولادى. مينيسترلىك قولدانۋشىلاردى قولداۋ ءۇشىن «1414» call-ورتالىعىن ىسكە قوستى. ال بيزنەس قاۋىمداستىق ءۇشىن «اتامەكەن» ۇكپ بازاسىندا «1432» call-ورتالىعى جۇمىس ىستەپ تۇر. وسىلايشا ۇكىمەتتىڭ تاپسىرماسى بويىنشا 26 ساۋىردە «Ashyq» قوسىمشاسىن بارلىق وڭىرلەر بويىنشا ىسكە قوسۋدى جسوپارلاپ وتىرمىز. وعان دەيىن قاجەت شارالاردىڭ ءبارىن قابىلدايمىز», دەدى ۆيتسە-مينيستر.
