قوعام • 19 ءساۋىر, 2021

دەنساۋلىق ساقتاۋ مينيسترلىگى ۋلى ماسكالار تۋرالى پىكىردى تەرىسكە شىعاردى

561 رەت

كورسەتىلدى

1 مين

وقۋ ءۇشىن

ايەلدىڭ مەديتسينالىق ماسكانى وتقا جاعىپ وتىرعان ۆيدەوسى جەلىدە تاراپ كەتتى. ۆيدەودان ماسكانىڭ جانباي, ەري باستاعانىن كورۋگە بولادى. وسىدان كەيىن ايەلدەر ماتەريالدى ۋلى دەپ مالىمدەپ وتىر. دەنساۋلىق ساقتاۋ مينيسترلىگىنىڭ وكىلدەرى بۇل اقپاراتتى جوققا شىعارىپ, ونىڭ جانساق اقپارات ەكەنىن العا تارتادى, دەپ حابارلايدى Egemen.kz

ايىم ءداۋىت

دەنساۋلىق ساقتاۋ مينيسترلىگى ۋلى ماسكالار تۋرالى پىكىردى تەرىسكە شىعاردى

بەينەجازبادا ايەلدەر قارا تەڭىزدە ەكەنىن جانە ماسكانى وتقا جاعىپ وتىرعانىن ايتادى. ماسكا وتتا بالقي باستاعان كەزدە روليكتىڭ اۆتورى ونىڭ پلاستيكتەن جاسالعانىن جانە ادام دەنساۋلىعىنا ايتارلىقتاي كەرى اسەر ەتەتىنىن ايتتى.

«بىرىنشىدەن, بۇل ۆيدەو قازاقستاندا ەمەس, رەسەيدە تۇسىرىلگەن جانە ەلىمىزگە ەش قاتىسى جوق. ەكىنشىدەن, بىزدە ساتىلاتىن ماسكالاردىڭ ساپاسى وتە جوعارى جانە سانيتارلىق تالاپتارعا ساي. مەديتسينالىق ماسكانىڭ وتقا جانباي ەرۋى قىزىق نەمەسە ەرەكشە جايت ەمەس. جەكە قورعانىس زاتتارى ارنايى ماتەريالدان جاسالادى. ول – سپانبوند دەپ اتالادى. ول سينتەتيكالىق, ماتاعا جاتپايتىن ماتەريال, ول بەرىكتىگىمەن, جوعارى جانە تومەن تەمپەراتۋراعا توزىمىمەن, سۋ وتكىزبەۋ جانە ينفەكتسيادان قورعاۋعا قاجەتتى وزگە دە قاسيەتتەرىمەن ەرەكشەلەنەدى. سپانبوند ۋلى زات ەمەس, ول سينتەتيكالىق ماتەريال. ونى ورتەگەن كەزدە ول راسىمەن دە بالقيدى, بىراق زيان زاتتار شىعارمايدى. روليكتە ايتىلعان پلاستيك مەديتسينالىق ماسكالاردى جاساۋ كەزىندە قولدانىلمايدى», دەيدى ۆەدومستۆو وكىلدەرى.

وسىلايشا, بۇل ۆيدەو ماسكالاردىڭ ۋلى ەكەنىن دالەلدەي المايدى, ال اۆتورلاردىڭ مالىمدەمەلەرى تەرىسكە شىعىپ وتىر.