ەكولوگيا • 19 ءساۋىر، 2021

ساراپشىلار قۇبىرداعى سۋدىڭ ساپاسىن تەكسەردى

10 رەت كورسەتىلدى

ماي توپتىق سۋ قۇبىرىنداعى سۋدىڭ ساپاسى بارلىق تالاپتارعا سايكەس كەلەدى، ول اۋىز سۋ رەتىندە پايدالانۋعا جارامدى. مۇنداي قورىتىندىنى پاۆلودار وبلىسى بويىنشا ۇلتتىق ساراپتاما ورتالىعىنىڭ ماي اۋداندىق بولىمشەسىنىڭ ساراپشىلارى جاسادى، دەپ حابارلايدى Egemen.kz ەكولوگيا، گەولوگيا جانە تابيعي رەسۋرستار مينيسترلىگىنىڭ ءباسپاسوز قىزمەتىنە سىلتەمە جاساپ.

وسىلايشا، وندىرىستىك باقىلاۋ توقسان سايىن باسكول جانە اقجار اۋىلدارىنداعى ماگيسترالدىق سۋ قۇبىرىندا جۇرگىزىلەدى. سۋ ساپاسىنا كەلەسى باقىلاۋ اعىمداعى جىلدىڭ 20 ساۋىرىندە جۇرگىزىلەتىن بولادى. 

سۋ رەسۋرستارى كوميتەتىنىڭ وكىلدەرى جۇمىس ساپارىمەن پاۆلودار وبلىسى ماي اۋدانىنىڭ مالايسارى اۋىلىنا باردى. ساپار بارىسىندا  جەرگىلىكتى تۇرعىندارمەن كەزدەسۋ وتكىزىلدى. جۇرمەلى جيىندا، اۋىلدىڭ تۇرعىندارى اۋىز سۋدىڭ ساپاسىنا قاتىستى ءبىراز ماسەلەلەر كوتەردى. كەزدەسۋ قورىتىندىسى بويىنشا، سۋ رەسۋرستار كوميتەتىمەن بىرلەسە اۋىز سۋدىڭ ساپاسىنا اشىق تاۋەلسىز زەرتحانالىق زەرتتەۋ جۇرگىزۋ تۋرالى شەشىم قابىلداندى.

ەستەرىڭىزگە سالا كەتەيىك، سۋ رەسۋرستارى كوميتەتىنىڭ باستاماسىمەن پاۆلودار وبلىسىنىڭ ماي اۋدانىندا جەرگىلىكتى توپتىق سۋ قۇبىرىن قايتا قۇرۋ جوباسى جۇزەگە اسىرىلدى. ناتيجەسىندە، 2020 جىلدىڭ مامىر ايىندا سۋدى تازارتۋ ستانتسياسى ىسكە قوسىلدى، بۇل 11 مىڭ حالقى بار 16 اۋىلدى ساپالى اۋىز سۋمەن قامتاماسىز ەتۋگە مۇمكىندىك بەردى. 

سۋ قۇبىرىنىڭ ۇزىندىعى 146 كم قۇرايدى، سۋمەن جابدىقتاۋ كوزى جەر استى سۋلارى بولىپ تابىلادى. جوبالىق ونىمدىلىگى-تاۋلىگىنە 4150 م3.

ماي توپتىق سۋ قۇبىرىن قايتا قۇرۋ جانە سۋ تازارتۋ ستانتسياسىن ىسكە قوسقاننان كەيىن اۋدان حالقى ساپالى اۋىز سۋدى عانا ەمەس، سونىمەن قاتار تۇرمىستىق ماقساتتار ءۇشىن تازارتىلعان سۋدى دا الدى.

قازىرگى ۋاقىتتا توپتىق سۋ قۇبىرى جوسپارلى رەجيمدە جۇمىس ىستەيدى.

سوڭعى جاڭالىقتار

قيلى-قيلى تاعدىرلار

تاريح • كەشە

ءبىر شاڭىراقتان – ءۇش مايدانگەر

رۋحانيات • 08 مامىر، 2021

قازاق دەگەنىمىز – باۋىرجان...

رۋحانيات • 08 مامىر، 2021

505-ءشى تۇرمەنىڭ تۇتقىندارى

تاريح • 08 مامىر، 2021

اسكەري ينجەنەرلەر ۇستاحاناسى

وقيعا • 07 مامىر، 2021

ۇقساس جاڭالىقتار