«بەيرەسمي ءسامميتتىڭ قورىتىندىسى بويىنشا قابىلدانعان تۇركىستان دەكلاراتسياسىندا نۇرسۇلتان نازارباەۆتىڭ 2019 جىلعى 15 قازاندا باكۋدە وتكەن تۇركى كەڭەسىنىڭ جەتىنشى سامميتىندە تۇركى كەڭەسىنىڭ اتاۋىن وزگەرتۋ جانە «تۇركى الەمىنىڭ كەلەشەگى-2040» قۇجاتىن دايىنداۋ تۋرالى باستامالارى قولداۋ تاپتى. باكۋدا ۇسىنىلعان بۇل باستامالار تۇركىستاندا ماقۇلدانىپ, كەزەكتى ىستانبۇلداعى سامميتتە راسىمدەلەتىن بولادى. مۇنىڭ بارلىعى تۇركى مەملەكەتتەرى ۇيىمىنىڭ حالىقارالىق ساحناداعى بەدەلىن كوتەرىپ, تۇركى ينتەگراتسياسىن ۇزاقمەرزىمدى جوسپارلاۋ تۇرعىسىنان جاڭا دەڭگەيگە شىعاراتىنى ءسوزسىز», دەدى شاحرات نۇرىشەۆ.
