قازاقستان • 16 ءساۋىر، 2021

شاحرات نۇرىشەۆ: ەل ازاماتتارى تۇركى ۇيىمدارىن ابىرويمەن باسقارىپ كەلەدى

14 رەت كورسەتىلدى

ءبىز تۇركى ۇيىمدارىنىڭ جۇمىسىن بايىپتى ءارى نىق قادامدارمەن جۇزەگە اسىرۋعا بارىنشا كۇش جىگەرىمىزدى سالۋىمىز قاجەت. بۇل تۋرالى «تۇركىستان – تۇركى الەمىنىڭ رۋحاني استاناسى» حالىقارالىق ونلاين-كونفەرەنتسياسىندا سىرتقى ىستەر ءمينيسترىنىڭ ورىنباسارى شاحرات نۇرىشەۆ ايتتى، دەپ حابارلايدى Egemen.kz

«بۇرىن حالىقارالىق ارەنادا تۇركى الەمىنىڭ بىتىراڭقى بولعانى وزگەلەر ءۇشىن قولايلى ەدى، الايدا كەيىنگى جىلدارى بىرلىگى جاراسقان تۇركى مەملەكەتتەرى مەن تۇركى ۇيىمدارى جاڭا بەلەستەردى باعىندىرىپ جاتىر»، دەيدى سىرتقى ىستەر ءمينيسترىنىڭ ورىنباسارى.

سونىمەن بىرگە شاحرات نۇرىشەۆ تۇركى الەمىنىڭ اياسىنداعى جان-جاقتى ىنتىماقتاستىقتى ودان ءارى دامىتۋعا ەرەشكە نازار اۋدارۋىمىز قاجەت ەكەنىن جەتكىزدى. 

«ويتكەنى قازاقستان تۇركى الەمىنىڭ قارا شاڭىراعى رەتىندە تۇركى ينتەگراتسياسىن ودان ءارى دامۋىن قولدايدى. قازىرگى تاڭدا تۇركى ىنتىماقتاستىعىن تەرەڭدەتۋگە باعىتتالعان بەس حالىقارالىق تۇركى ۇيىمىنىڭ تورتەۋى، ناقتىراق ايتقاندا، قازاقستاننىڭ باستاماسىمەن تۇركى كەڭەسى، تۇركسوي، تۇركپا، تۇركى اكادەمياسى قۇرىلدى»، دەيدى شاحرات نۇرىشەۆ.

وسى تۇستا سىرتقى ىستەر ءمينيسترىنىڭ ورىنباسارى قازىرگى تاڭدا سونىڭ ۇشەۋىنە قازاقستان ازاماتتارى روتاتسيالىق نەگىزدە ابىرويمەن باسشىلىق ەتىپ، تۇركى ينتەگراتسياسىنا بار كۇشىن سالىپ قىزمەت ەتىپ كەلە جاتقانىن العا تارتادى.

ء«بىز تۇركى ساۋدا ونەركاسىپ پالاتاسىمەن حالىقارالىق تۇركى ىنتىماقتاتسىق ۇيىمدارىن ۇيلەستىرۋ كوميتەتىن قۇردىق. تۇركى كەڭەسى وكىلدىگىنىڭ ەۋروپانىڭ قاق تورىندە بۋداپەشتە اشىلعانىن جوعارى باعالايمىز. قازىرگى كەزدە تۇركى ينۆەستيتسيالىق-ينتەگراتسيالىق قورىن قۇرۋ بويىنشا جۇرگىزىلىپ جاتقان جۇمىستارعا بارىنشا قولداۋ كورسەتۋگە دايىنبىز»، دەيدى شاحرات نۇرىشەۆ.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار