16 ءساۋىر، 2021

«ارسەلورميتال» مەملەكەتكە 1 ملرد تەڭگەدەن استام شىعىن كەلتىرگەن

20 رەت كورسەتىلدى

اعىمداعى جىلدىڭ ناۋرىز ايىندا «ارسەلورميتتال تەمىرتاۋ» اق كونۆەرتورلىق تسەحىندا لاستاۋشى زاتتاردىڭ اپاتتىق جاپپاي شىعارىلۋ فاكتىسى بويىنشا وسى كاسىپورىنعا جوسپاردان تىس تەكسەرۋ جۇرگىزىلدى، دەپ حابارلايدى Egemen.kz ەكولوگيا مينيسترلىگىنىڭ ءباسپاسوز قىزمەتىنە سىلتەمە جاساپ.

اقپان ايىنىڭ سوڭىندا الەۋمەتتىك جەلىلەردە زاۋىتتان قىزعىلت ءتۇتىننىڭ شىعىپ جاتقاندىعى تۋرالى بەينە پايدا بولدى، ال قاراعاندى وبلىسى بويىنشا ەكولوگيا دەپارتامەنتى اتموسفەراعا لاستاۋشى زاتتار شىعارۋدىڭ رۇقسات ەتىلگەن نورمالارىنان ەلەۋلى اسىپ كەتكەندىگى تىركەلگەندىگىن ەستەرىڭىزگە سالا كەتەيىك.

ماسەلەن، تەكسەرۋ بارىسىندا قاراعاندى وبلىسى بويىنشا ەكولوگيا دەپارتامەنتىنىڭ تەكسەرۋ كوميسسياسى «ارسەلور ميتتال تەمىرتاۋ» اق كاسىپورنىمەن بولىنەتىن گازداردى ۇستاۋ جانە تازارتۋ جۇيەسىن پايدالانۋ قاعيدالارى بۇزىلعانىن انىقتادى. تەكسەرۋ بارىسىندا، بۇل بۇزۋشىلىق تەحنولوگيالىق جابدىقتىڭ قاناعاتتانعىسىز جاي-كۇيىنەن تۋىنداعانى دالەلدەندى. وسىعان بايلانىستى، №2 كونۆەرتەر اعىمداعى جىلدىڭ مامىر ايىنا دەيىن كۇردەلى جوندەۋگە توقتاتىلدى.

زاۋىتتى مۇقيات تەكسەرۋ زاۋىتتىڭ سەگىز تسەحى بويىنشا جۇرگىزىلگەنىن اتاپ وتكەن ءجون. ءار ءتۇرلى نورماتيۆتەردىڭ بۇزىلۋى مەن اسىپ كەتۋى ولاردىڭ جەتەۋىندە: بۋ ايداۋ، №2 تاباقشا مەتالدى يلەمدەۋ، اگلومەراتسيالىق، كوكستىق، سونداي-اق اك كۇيدىرۋ تسەحتارىندا، وتتەگى-كونۆەرتەرلىك جانە كومىر دايىنداۋ تسەحتارىندا انىقتالدى.

 جوعارىدا اتالعان بارلىق فاكتىلەر مەن ەكولوگيالىق تالاپتاردىڭ تيىسىنشە ورىندالماۋى قر ەكولوگيالىق كودەكسىنىڭ 69-بابى 3-تارماعىنىڭ بۇزىلۋىنا اكەپ سوقتى، وندا «تابيعاتتى پايدالانۋشىلار قورشاعان ورتاعا ەميسسياعا رۇقساتتا كورسەتىلگەن شارتتاردى ورىنداۋعا مىندەتتى جانە ولاردى ساقتاماعانى ءۇشىن قازاقستان رەسپۋبليكاسىنىڭ زاڭدارىنا سايكەس جاۋاپتى بولادى» دەلىنگەن.

بۇگىنگى كۇنى، جۇرگىزىلگەن تەكسەرۋ قورىتىندىسى بويىنشا «ارسەلور ميتتال تەمىرتاۋ» كاسىپورنىنا ايىپپۇل سالىندى. بۇدان باسقا، كاسىپورىنعا سوماسى شامامەن 1 ملرد.تەڭگەدەن اساتىن زالالدى وتەۋ تۋرالى نۇسقاما جىبەرىلدى ( - قازىرگى ۋاقىتتا زالالدى باعالاۋدى ەسەپتەۋ بويىنشا جۇمىستار ءالى دە جۇرگىزىلۋدە).

ەستەرىڭىزگە سالا كەتەيىك، كاسىپورىننىڭ ۆيتسە-پرەزيدەنتى ۆيدجاي گويال الداعى ءتورت جىلدا شىعارىندىلار كولەمىن كەم دەگەندە 30 پايىزعا ازايتۋعا، ولاردى اۆتوماتتاندىرۋدى قامتاماسىز ەتۋگە جانە ءۇش جىل ىشىندە تەمىرتاۋ قالاسىندا 500 مىڭ اعاش وتىرعىزۋعا ۋادە بەرگەن بولاتىن.

گاۋحار قاپاش

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار