ءباسپاسوز قىزمەتى تاراتقان اقپاراتقا سايكەس, ەلباسى, پارتيا ليدەرى نۇرسۇلتان نازارباەۆتىڭ تاپسىرماسى بويىنشا بەلگىلەنگەن كۆوتانىڭ ارقاسىندا بارلىق دەڭگەيدەگى ءماسليحاتتاردا «Nur Otan» پارتياسىنىڭ جاس دەپۋتاتتارىنىڭ سانى 3 ەسەگە – 7-دەن 23%-عا دەيىن ارتتى. 2025 جىلعا دەيىنگى «جاستار – وتانعا!» باعدارلاماسى قابىلدانىپ, وندا الەۋمەتتىك ليفت قۇرۋ, جاستاردىڭ باستامالارىن ىسكە اسىرۋ, جۇمىسقا ورنالاستىرۋ, ءبىلىم بەرۋ ساپاسىن ارتتىرۋ سياقتى جانە ت. ب. 100-دەن استام ناقتى شارالار قامتىلدى.
«كورپۋس جۇمىسى اياسىندا تۇرعىندارمەن تىعىز قارىم-قاتىناس ورناتىپ, ءارتۇرلى ساناتتاعى جاستارمەن بايلانىس ورناتۋ ماڭىزدى. ونىڭ ىشىندە الەۋمەتتىك جەلى ارقىلى جۇمىس ىستەۋگە, بارىنشا اشىق ءارى حالىققا جاقىن بولۋعا دەن قويۋ قاجەت. سىزدەردىڭ ارقايسىڭىز – پارتيانىڭ سەنىم مانداتىنا يە بولعان جاس ساياساتكەرسىزدەر. پارتيانىڭ حالىققا جاقىن بولۋ, تۇرعىندارمەن «كەرى بايلانىس» ورناتۋ, قوعامداعى ءار ءتۇرلى توپتاردىڭ ۇنىنە قۇلاق اسىپ, ەلمەن تىعىز, قويان-قولتىق جۇمىس ىستەۋ قاعيدالارىن باسشىلىققا الۋ كەرەك. اتالعان تاپسىرمالاردى ساپالى جانە ناتيجەلى ىسكە اسىرۋ ءۇشىن جاس دەپۋتاتتار كورپۋسىنا پارتيا تاراپىنان بارىنشا قولداۋ كورسەتىلەتىن بولادى», - دەدى جاستارمەن وتكەن ونلاين كەزدەسۋ بارىسىندا پارتيا حاتشىسى الىبەك الدەنەي.
پارتيانىڭ ءباسپاسوز قىزمەتىندە اتاپ وتكەندەي, ءماجىلىس پەن بارلىق دەڭگەيدەگى ءماسليحاتتاردىڭ 616 جاس دەپۋتاتىنىڭ 427-ءسى نەمەسە 69%-ى پارتيا ليدەرى نۇرسۇلتان نازارباەۆتىڭ باستاماسىمەن جۇزەگە اسقان پارتياىشىلىك پرايمەريزدەن وتكەندەر.
داۋىس بەرۋ قورىتىندىسى بويىنشا جاس دەپۋتاتتار كورپۋسىنىڭ باسشىسى بولىپ پارلامەنت ماجىلىسىندەگى «Nur Otan» پارتياسى فراكتسياسىنىڭ دەپۋتاتى ەلنۇر بەيسەنباەۆ سايلاندى.
