2020 جىلدىڭ 7 قاراشاسى كۇنى سوتتالۋشى ءوز اتاسىنىڭ «قاينار بۇلاق» ساياجاي ماسسيۆىندە قوناقتا بولعان. وندا ول اتاسىنىڭ دوسىمەن بىرگە ىشىمدىك ىشكەن. بۇل ۋاقىتتا ونىڭ اتاسى ءوز جۇمىستارىمەن سىرتتا بولعان. وسى ۋاقىتتا جىگىت پەن زەينەتكەردىڭ اراسىندا كيكىلجىڭ تۋىپ, ولار ماسەلەنى شەشۋ ءۇشىن بوس تۇرعان ساياجايعا كەتكەن.
جاس جىگىت زەينەتكەردى ابدەن سوققىعا جىعادى. كەيىنىرەك ءالى قۇرىعان قاريانى اتاسىنىڭ ساياجايىنا اكەلىپ, جۋىندىرىپ, ۇستەلگە وتىرعىزادى. ەكەۋى تاعى دا ىشىمدىك ءىشىپ, قايتا جانجالداسادى. بۇل جولى جاس جىگىت قاريانىڭ تاماعىن بوتەلكە سىنىعىمەن كەسىپ جىبەرەدى. ونىڭ قايتىس بولعانىنا كوزى جەتكەن سوڭ, مارقۇمدى ءوزىنىڭ ءموبيلدى تەلەفونىنا ۆيدەوعا ءتۇسىرىپ, ونى سۇيىكتىسىنە جىبەرەدى.
مۇنىمەن قويماي, قاريانىڭ قالتاسىن اقتارىپ, ۇيالى تەلەفونى مەن 60 مىڭ تەڭگەسىن ۇرلاپ الادى. ءوز اتاسى قايتا ورالعاندا جىگىت بوتەلكەلەسىن باۋىزداپ تاستاعانىن ايتىپ, قالاعا قايتىپ كەتەدى.
سوت جىگىتتى قىلمىستىق كودەكستىڭ 99 - بابى (كىسى ءولتىرۋ), 106- بابى (دەنساۋلىققا اۋىر زيان كەلتىرۋ) جانە 188- بابى (ۇرلىق) بويىنشا كىنالى دەپ تاۋىپ, 13 جىلعا باس بوستاندىعىنان ايىردى. جازاسىن قاتاڭ رەجيمدەگى كولونيادا وتەيدى.
