بۇل سىيلىق مەديتسينا جانە دەنساۋلىق سالاسى بويىنشا قازاق تىلىندە جارىق كورگەن وزەكتى ماتەريالدارعا ءار توقسان سايىن تاعايىندالاتىنىن ايتىپ وتكەن ءجون.
كونكۋرسقا قاتىسۋشىلاردىڭ ىشىنەن مۇعالىم-دەفەكتولوگ اسەل مارالبەكتىڭ dalanews.kz پورتالىنا شىققان ء«اۋتيزمدى ەرتە انىقتاۋ – جاقسى ناتيجەگە قول جەتكىزەدى» ماقالاسى كونكۋرستىق كومميسسيا مۇشەلەرىنىڭ شەشىمى بويىنشا ۇزدىك اتاندى.
جەڭىمپازعا «تورەگەلدى شارمانوۆتىڭ حالىقارالىق قورى» قق اتىنان ارنايى اقشالاي سىياقى مەن ديپلوم تابىستالادى.
اكادەميك تورەگەلدى شارمانوۆ سىيلىعىن الۋ كونكۋرسىنا قاتىسۋ ءۇشىن ءوتىنىم بەرۋ جالعاسۋدا. ءىى توقسانداعى ءوتىنىم بەرۋ مەرزىمى 30 ماۋسىمعا دەيىن.
كونكۋرسقا دەنساۋلىق ساقتاۋ جانە ءتۇرلى اۋرۋلاردىڭ الدىن الۋ, سونداي-اق دەنساۋلىق پەن مەديتسيناعا قاتىستى قىزىقتى جانە ماڭىزدى اقپاراتتاردى قامتيتىن قازاق تىلىندەگى جوبالار نەمەسە بۇرىن جاريالانعان ماتەريالدار قابىلدانادى. ماتەريالدار قىسقا عىلىمي-كوپشىلىك ماقالا, شاعىن بەينەروليك, كوميكس نەمەسە ينفوگرافيكا فورماتىندا بولسا قاتىسا الادى.
بۇل سىيلىقتى تاعايىنداۋ كريتەريلەرى رەتىندە ماتەريالدىڭ وزەكتىلىگى مەن پايدالىلىعى, جاريالانىمنىڭ عىلىمي نەگىزدىلىگى جانە انىقتىعى, تۇپنۇسقا بۋىن جانە پرەزەنتاتسيا ءستيلى, مەديتسينالىق ءبىلىمى جوق وقىرمانداردىڭ تۇسىنۋىنە وڭاي بولۋى, تاقىرىبىن قامتۋ دەڭگەيى (سايتتاعى وقىلىم سانى, الەۋمەتتىك جەلىلەردەگى بەلسەندىلىك, وقىرماندارمەن قارىم-قاتىناس), بارلىق اۆتورلىق قۇقىقتى ساقتاۋ (پلاگياتتىڭ بولماۋى) سياقتى تالاپتار قويىلادى.
جازباشا ماتەريالداعى كولەم تالابى – 1000-نان 4000-عا دەيىن باسپا بەلگىسى, ال YouTube-تەگى ۆيدەولار ءۇشىن تالاپ – ۇزاقتىعى 5 مينۋتقا دەيىن.
بۇل سىيلىقتى بەرۋدەگى ماقسات – مەديتسينا جانە دەنساۋلىققا قاتىستى وزەكتى مالىمەتتەردى بارشاعا, اسىرەسە قازاق ءتىلدى وقىرمانعا كەڭىرەك جەتكىزۋگە باعىتتالعان تاقىرىپتاعى ماتەريالداردى قولداۋ. اتالمىش سىيلىق تۋرالى, ىرىكتەۋدىڭ نەگىزگى تالاپتارى, سىيلىقاقى مولشەرى جانە ءوتىنىم بەرۋ مەرزىمدەرى تۋرالى تولىق اقپاراتتى وسى سىلتەمەدەن وقي الاسىزدار: https://academypm.org/language/ru/akademik-sharmanov-syiligin-beru-turaly-erezhe/
قوسىمشا سۇراقتار تۋىنداعان جاعدايدا 8 702 575 76 48 تەلەفون نومىرىنە نەمەسە sharmanovfund@gmail.com ەلەكتروندىق پوچتاعا حات جولداساڭىز بولادى.
