ەكولوگيا • 15 ءساۋىر، 2021

قازاقستاندا كەڭ اۋقىمدى «كيىك» اكتسياسى باستالدى

24 رەت كورسەتىلدى

15 ءساۋىر مەن 15 مامىرى ارالىعىندا ەلىمىزدىڭ 12 وبلىسىندا كەڭ اۋقىمدى «كيىك» تابيعاتتى قورعاۋ اكتسياسى وتەدى. ءىس-شارانىڭ باستاماشىلارى ەكولوگيا، گەولوگيا جانە تابيعي رەسۋرستار، ىشكى ىستەر مينيسترلىكتەرى جانە ۇلتتىق قاۋىپسىزدىك كوميتەتى. تاراپتار ««كيىك» تابيعاتتى قورعاۋ اكتسياسىن وتكىزۋ تۋرالى» بىرلەسكەن بۇيرىققا قول قويدى، دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.

اكتسيانىڭ ماقساتى لاكتاتسيا كەزەڭىندە كيىكتەردى قورعاۋدى كۇشەيتۋ، سونداي-اق ەل اۋماعىندا تابيعاتتى قورعاۋ زاڭناماسىن بۇزۋدىڭ جولىن كەسۋ بويىنشا بىرلەسكەن ءىس-شارالاردى ۇيىمداستىرۋ بولىپ تابىلادى.

بۇيرىق شەڭبەرىندە اكتسيانى وتكىزۋ كەزىندە قۇقىق قورعاۋ جانە تابيعات قورعاۋ ورگاندارىنىڭ ءوزارا ءىس-قيمىلى جونىندەگى ۇيلەستىرۋ شتابى، سونداي-اق بىرلەسكەن ءىس-قيمىل جوسپارى بەكىتىلدى.

اكتسيا بارىسىندا قۇقىق قورعاۋ ورگاندارىمەن بىرلەسىپ كيىك مۇيىزدەرىنىڭ زاڭسىز اينالىمىنا قارسى ءىس-قيمىل جانە ولاردى ەلدەن تىس جەرلەرگە شىعارۋ بويىنشا شارالار كۇشەيتىلەتىن بولادى.

وسى اۋقىمدى ءىس-شاراعا 200-گە جۋىق ينسپەكتوردان تۇراتىن ءموبيلدى توپتار، 64 بىرلىك جوعارى ءوتىمدى اۆتوماشينالار، "وحوتزووپروم ء"وب" رمقك-نىڭ 12 «كۋنگ»-تارى، "قازاۆياقۇتقارۋ" اق تىكۇشاقتارى، سونداي-اق ەكولوگيا مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ اۋماقتىق بولىمشەلەرىنىڭ، قۇقىق قورعاۋ ورگاندارى مەن شەكارا قىزمەتىنىڭ قىزمەتكەرلەرى جۇمىلدىرىلدى.

ايتا كەتۋ كەرەك، 2019 جىلى براكونەرلىك ءۇشىن زاڭنامانى قاتاڭداتۋ ءۇشىن قر قىلمىستىق كودەكسىنە وزگەرىستەر ەنگىزىلدى، وعان سايكەس زاڭسىز اڭ الاعانى ءۇشىن 12 جىلعا دەيىنگى مەرزىمگە باس بوستاندىعىنان ايىرۋعا جانە مۇلكىن تاركىلەۋگە دەيىن قاتاڭ جازالار كوزدەلگەن.

بۇدان باسقا، كيىكتەردىڭ سانىن ساقتاۋ جانە ۇلعايتۋ ماقساتىندا 2020 جىلى ەكولوگيا مينيسترلىگى عىلىمي ماقساتتاردا پايدالانۋدان باسقا، قازاقستاننىڭ بۇكىل اۋماعىندا كيىكتەردى، ولاردىڭ بولىكتەرى مەن دەريۆاتتارىن 2023 جىلعا دەيىن پايدالانۋعا تىيىم سالدى.

سونىمەن قاتار وتكەن جىلدارداعى تابيعاتتى قورعاۋ ءىس-شارالارىنىڭ ناتيجەلەرى اقبوكەننىڭ مۇيىزدەرىن زاڭسىز وندىرۋگە سۇرانىس ءالى دە جوعارى ەكەنىن كورسەتەدى. 2020 جىلى ەكولوگيا مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ ينسپەكتورلارى كيىككە براكونەرلىكتىڭ 85 فاكتىسىن انىقتادى. ناتيجەسىندە 727 ۇشانى جانە 3 489 كيىك ءمۇيىزى تاركىلەنىپ، جالپى شىعىن 2،4 ملرد.تەڭگەنى قۇرادى.

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار