ايماقتار • 14 ءساۋىر، 2021

تۇنگى تىنىشتىقتى بۇزۋشىلار جامان ىندەت كەزىندە دە تيىلماي وتىر

53 رەت كورسەتىلدى

جامان ىندەتكە قارسى كۇرەستىڭ ساقتاندىرۋ شارالارىنا قاراماي تۇنگى تىنىشتىقتى بۇزۋشىلار سانى ازايار ەمەس. جىل باسىنان بەرى پەتروپاۆلدا سونداي 829 وقيعا تىركەلگەن.

كۇنى كەشە شامامەن تاڭعى ساعات 5-تە پوليتسياعا ن. نازارباەۆ كوشەسىندەگى ۇيلەردىڭ بىرىنەن كەزەكتى شاقىرتۋ كەلگەن. وبلىس ورتالىعىنىڭ 62 جاستاعى تۇرعىنى كورشى پاتەردەن شىققان قاتتى مۋزىكاعا جانە شۋلاعان ادامدارعا شاعىمدانعان. №4 ۋچاسكەلىك پوليتسيا پۋنكتىنىڭ ينسپەكتورى،  پوليتسيا مايورى سەرىك اۋباكىروۆ وقيعا ورنىنا كەلگەندە جالدامالى پاتەردە 19 جاستاعى جىگىت ساۋىق كەشىن وتكىزىپ جاتقان. اكىمشىلىك قۇقىق بۇزۋشىلىق تۋرالى كودەكسىنىڭ «تىنىشتىقتى بۇزۋ» بابى بويىنشا وعان حاتتاما تولتىرىلدى. كەشتىڭ باسقا قاتىسۋشىلارىمەن پوليتسەيلەر پروفيلاكتيكالىق اڭگىمە جۇرگىزىپ، ساعات 23-تەن كەيىن شۋلاۋعا تىيىم سالىنعانى تۋرالى ەستەرىنە سالدى.

«تۇندە كوڭىل كوتەرگەن ادامداردىڭ باسىم بولىگى قابىرعانىڭ ارعى جاعىندا جۇمىستان شارشاعان ادامداردىڭ، بالالار مەن زەينەتكەرلەردىڭ دەمالىپ جاتقانىن ويلامايدى. جىل باسىنان پەتروپاۆلدا وسىنداي 829 فاكتى تىركەلدى»، دەيدى پەتروپاۆل قالاسى پوليتسيا باسقارماسى باستىعىنىڭ ءبىرىنشى ورىنباسارى، پولكوۆنيك الىبەك عابدۋللين.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار