“مەتروگرۋپپ” مادەني دەمالىستى دا ۇمىتپاسا

جاقىندا جامبىل وبلىسىنىڭ اكىمى قانات بوزىمباەۆ “مەترو­گرۋپپ” كومپانياسىنىڭ وكىلدەرىن قابىلدادى. ەكى تاراپ تاراز قالا­سى­نان ءىرى ساۋدا ورتالىعىنىڭ قۇ­رى­­لىسىن سالۋ مۇمكىندىكتەرىن تالقىلادى. ءباسپاسوز مالىمەتى بويىنشا, ساۋدا ورتالىعىنىڭ قۇرىلىسىنا جۇمسالاتىن قارجىنىڭ كولەمى  15 ميلليون ەۋرونى قۇرايدى. ءاربىر كەشەننىڭ ساۋدا الاڭى 11 مىڭ شار­شى مەتر بولماق. بولاشاقتا وندا ازىق-ت ۇلىك جانە ونەركاسىپ تاۋار­لا­رىنىڭ 25 مىڭعا تارتا ءتۇرى وتكە­رىلە­دى. بۇگىندە وسى الىپ قۇ­رى­لىس كەشەنىنە ىڭعايلى جەر قاراس­تى­رىلۋ­دا. تاراز قالاسىندا بۇرىن “گروسس”, “مەترونوم”, “Smal” cياق­تى ۇلكەن امبەباپ دۇكەندەر شوعىرى بار بولاتىن. بۇلاردىڭ قاتارىن ەندى “مەتروگرۋپپتىڭ” ساۋ­دا ورتالىعى تولىقتىرا تۇسسە ارتىق ەتپەيدى. حالىق تاڭداعانىنا بارادى. سول حالىقتى وزدەرىنىڭ ساۋدا سورەلەرىنە قاراي تارتۋ ءۇشىن ولاردىڭ مەنەدجەرلەرى دە تاۋار­لا­رىن ارزانداتا باستايدى. ءبىر ءسوز­بەن ايتقاندا – يگىلىكتى ءىس. بىراق... ويدى وي قوزعايدى دەگەندەي, تا­راپ­تاردىڭ وسى جاقسى باستاما­سى­نىڭ باس-اياعىنا ءجىتى كوز ءجى­بە­رىپ, جان-جاقتى ويلاناتىن بولساق, تا­راز­دىقتار اتىنان قوساتىن ۇسى­نىستار دا سۇرانىپ تۇرعانداي. شىنىن ايتۋ كەرەك, تاراز قا­لاسى  الماتى مەن شىمكەنت قالا­لا­رى سياقتى ءىرى مەگاپوليستەردىڭ سوڭعى جىلدارداعى ەكونوميكالىق جانە مادەني تۇرعىداعى دامۋ قار­قىنىنا ىلەسە الماي, كورەر كوزگە قا­رابايىرلاۋ كورىنە باستادى. وبلىس اكىمى ق. بوزىمباەۆ وسى ول­قىلىقتاردىڭ ورنىن از ۋاقىتتىڭ ىشىندە قالپىنا كەلتىرمەكشى. جو­عارىدا ايتىلعان “مەتروگرۋپ­پ­تىڭ” تارازعا قوماقتى قارجىمەن كە­لۋىن دە وسى ماقساتتاعى باستا­ما­نىڭ ءبىرى دەپ ساناپ وتىرمىز. سونىمەن... ايتايىن دەگەنىمىز, بولاشاقتا قولعا الىنباق وسى ءىرى ساۋدا كە­شە­نى­نىڭ ىشىنەن نەگە مادەني جانە كو­ڭىل كوتەرۋ ورتالىعىن دا اشپاسقا؟ ونداي ۇلكەن ورتالىقتار, مىسالى, استانانى ايتپاعاندا, تا­راز قالا­سىنىڭ قوس قاپتالىنداعى الماتى مەن شىمكەنت قالالارىن­دا دا بار. وسى شاھارلارعا جولى­مىز تۇسكەندە كىشكەنتايلارىمىزدى “مەگاورتالىق” دەپ اتالاتىن سول تاڭعاجايىپ دۋماندى ورىندارعا اپارىپ, كوڭىلدەرىن كوتەرەمىز. ادام  كۇندەلىكتى تۇتىناتىن تاۋار­لارمەن عانا ءومىر سۇرمەيدى. تاماعى توق, كويلەگى كوك جان رۋحا­ني قاجەتتىلىگىن زامانا تالاپ­تا­رى­نا ساي وتەگىسى كەلەدى. ول ءۇشىن الىس-جاقىندا بار مادەني ورىن­دار­دى اڭساپ, ىزدەي باستايدى. ال ءبىزدىڭ ەلىمىز, قۇدايعا شۇكىر, “ورا­زا-ناماز توق­تىقتا” دەيتىن كەزەڭ­نەن, الدە­قاشان ءوتىپ كەتتى. داع­دا­رىسقا دا اناۋ ايتقانداي داۋرىعا قويمادىق. ەندەشە “ساۋدا-ساۋدا” دەي بەرمەي, سول ساۋدانى قىز­دى­را­تىن ورتا­لىق­تاردىڭ ىشىنەن ساۋ­دا جاساي ءجۇرىپ ءبىر مەزگىل وتبا­سىمەن دەمالىپ, كوڭىل كوتەرەتىن ورىندار جاساۋدى دا ەستەن شىعار­ماعان ابزال شىعار. مىسالى, ءبىز بارىپ كورىپ جۇرگەن مەگاورتا­لىق­تاردىڭ ىشىندە ساۋدا دۇڭگىرشەك­تەرىنەن بولەك, شاعىن مۇز ايدىنى, شاعىن كينوتەاتر, بوۋ­لينگ, كافە­لەر مەن كافەتەريلەر, نەشە ءتۇرلى اتكەنشەكتەر دەيسىز بە, ايتەۋىر, بالالار تۇگىلى ەرەسەكتەردى دە ەلىكتىرەتىن قىزىقتاردىڭ ءبارى قاراستىرىلعان. بىزدىڭشە, بۇل ۇسىنىستى وبلىس اكىمدىگى قۋانا قولداسا كەرەك. ال وبلىس, قالا باسشىلارى قولداپ, “وسى جاعىن دا ەسكەرۋ كەرەك ەكەن” دەسە, بەرىسى ازيا, ارىسى ەۋروپا­دا­عى ساۋدا ورتالىقتارىنىڭ كوشباس­شى­لارىنىڭ بىرىنەن سانالاتىن “مەتروگرۋپپ” ءۇشىن تۇك تە ەمەس دەپ ويلايمىز. بۇل, ءارى, جاڭا ساۋدا ور­تالىعىن باسقالاردان ەرەكشەلەن­دى­رىپ, قالا تۇرعىندارىن وزىنە باۋ­راۋ­دا دا ۇلكەن ءرول اتقارار ەدى. كوسەمالى ساتتىباي ۇلى. جامبىل وبلىسى.