ەلوردا • 14 ءساۋىر، 2021

ەلوردادا سەگىزىنشى ۆەلوماۋسىم باستالادى

13 رەت كورسەتىلدى

15 ساۋىردە نۇر-سۇلتان قالاسىندا «Astana Bike» اۆتوماتتاندىرىلعان ۆەلوسيپەد جالداۋ جۇيەسى ىسكە قوسىلادى. ءساۋىر ايىنىڭ سوڭىنا دەيىن پايدالانۋشىلارعا 850 ۆەلوسيپەد پەن 154 ۆەلوستانتسيا قولجەتىمدى بولادى، دەپ حابارلايدى Egemen.kz «City Transportation Systems» ءباسپاسوز قىزمەتىنە سىلتەمە جاساپ.

اۋا-رايىنىڭ قولايلى بولۋىنا بايلانىستى قىزمەتتى 15 ساۋىردە ىسكە قوسۋ تۋرالى شەشىم قابىلداندى، بۇل وتكەن جىلمەن سالىستىرعاندا ءبىر اي بۇرىن.

ايتا كەتۋ كەرەك، ۆەلوجابدىقتىڭ ىسكە قوسۋ-جوندەۋ جۇمىستارىنىڭ ۇلكەن كولەمى ءبىر مەزگىلدە بارلىق 154 ۆەلوستانتسيانى ىسكە قوسۋعا مۇمكىندىك بەرمەيدى. سول سەبەپتى بۇل جۇمىس 3 كەزەڭدە جۇرگىزىلەدى.

بىرىنشىسىندە: ەسىل اۋدانى بويىنشا 400 ۆەلوسيپەد جانە 62 ۆەلوستانتسيا ىسكە قوسىلادى. ەكىنشىسىندە: 23 ساۋىرگە دەيىن سارىارقا، الماتى جانە بايقوڭىر اۋداندارى بويىنشا قوسىمشا 300 ۆەلوسيپەد جانە 48 ۆەلوستانتسيا بار. ۇشىنشىسىندە: 30 ساۋىرگە دەيىن.

ۆەلوستانتسيالاردىڭ ورنالاسقان جەرىن www.velobike.kz سايتىنان كورۋگە بولادى. ىسكە قوسىلعان ستانتسيالار كوك تۇسپەن بەلگىلەنەدى.

«قازاقستاندا العاش رەت ۆەلوشەرينگ جۇيەسى ەلوردامىزدا ىسكە قوسىلدى. 2014 جىلى «Astana Bike» ۆەلوستانتسيالار جەلىسىنىڭ اشىلۋ ءراسىمى ءوتتى. بۇگىندە ۆەلوسيپەد جالداۋ جۇيەسى ۇلكەن تانىمالدىلىققا يە. جىل سايىن پايدالانۋشىلار سانى ارتىپ كەلەدى. بۇگىندە بۇل 14 مىڭنان استام ادامدى قۇرايدى. ۆەلوسيپەدپەن ءجۇرۋدى ۇناتاتىنداردىڭ سانى ودان ءارى ارتادى دەپ ۇمىتتەنەمىز. اۆتوكولىك پەن قوعامدىق كولىككە بالاما رەتىندە قالا تۇرعىندارىنا ەكولوگيالىق تازا كولىكتىڭ وسى ءتۇرىن تاڭداۋعا بولادى. ايتا كەتەيىك، ۆەلوسيپەدتەر مەن ابونەمەنتتەردى ساتىپ الۋ 15 ساۋىردەن ساعات 9:00-دەن باستاپ قولجەتىمدى»، دەدى «City Transportation Systems» جشس باسقارما توراعاسى بەكمىرزا يگەنبەردينوۆ.

سونىمەن قاتار ماۋسىم باستالعانعا دەيىن 850 ۆەلوسيپەدكە جوندەۋ جۇمىستارى جۇرگىزىلدى، بۇل ءوز كەزەگىندە ۆەلوشەرينگتى ىڭعايلى پايدالانۋ ءۇشىن جەتكىلىكتى. سونداي-اق ۆەلوماۋسىم كەزىندە قالعان 228 ۆەلوسيپەدتى قالپىنا كەلتىرۋ جۇمىستارى جۇرگىزىلەدى. ال مامىر ايىنىڭ سوڭىنا دەيىن 155-ۆەلوستانتسيا ىسكە قوسىلادى.

www.velobike.kz سايتىندا جۇيەدە ونلاين-تىركەلۋ راسىمىنەن كەيىن ۆەلوشەرينگ قىزمەتىن پايدالانۋعا بولادى. 16 جاستان باستاپ قولدانۋعا رۇقسات. ۆەلوپروكات ابونەمەنتتەرى www.velobike.kz سايتىندا جانە City Transportation Systems كاسسالارىندا قولجەتىمدى. ۆەلوسيپەدتەردى جالعا بەرۋ جۇيەسى 24/7 رەجيمىندە جۇمىس ىستەيدى.

تاريفتەر وزگەرىسسىز:

ستاندارتتى ابونەمەنتتەر:

- ايلىق ابونەمەنت - 2 500 تەڭگە;

- توقساندىق ابونەمەنت - 6 000 تەڭگە;

- ماۋسىمدىق ابونەمەنت - 10 000 تەڭگە.

جەڭىلدىكتى ابونەمەنتتەر:

- توقساندىق ابونەمەنت - 3 000 تەڭگە;

- ماۋسىمدىق ابونەمەنت - 5 000 تەڭگە.

50% جەڭىلدىك راستايتىن قۇجاتتاردى ۇسىنىلعان جاعدايدا بەرىلەدى جانە تەك توقساندىق جانە ماۋسىمدىق ابونەمەنتتەرگە قولدانىلادى:

- ستۋدەنتتەر;

- زەينەتكەرلەر;

- ەرەكشە قاجەتتىلىكتەرى بار ادامدار (3-توپ);

- ۇوس قاتىسۋشىلارى مەن مۇگەدەكتەرىنە جانە ولارعا تەڭەستىرىلگەن تۇلعالارعا;

- اۋعان سوعىسى ارداگەرلەرى;

- كوپ بالالى انالار;

- كوپ بالالى وتباسىلار;

- ەرەكشە قاجەتتىلىكتەرى بار بالالار، ونىڭ ىشىندە اتا-انالاردىڭ (زاڭدى وكىلدەردىڭ) بىرەۋىنە;

- بارلىق توپتاعى مۇگەدەكتەر.

ستاندارتتى نەمەسە جەڭىلدىكتى ابونەمەنتتەردەن باسقا پايدالانۋشىنىڭ شوتىندا 500 تەڭگە بولۋى ءتيىس. ەگەر اقشا تاۋسىلسا، ۆەلوسيپەد ەكرانىندا «قاتە» شىعادى.

30 مينۋتقا دەيىن ۆەلوسيپەدتى شەكتەۋسىز پايدالانۋعا بولادى، باستىسى - ستاندارتتى ابونەمەنت ساتىپ الۋ.

30 مينۋتتان ارتىق جول ءجۇرۋ قۇنى جالعا الۋ ۋاقىتىنا قاراي تولەم بولىگىن ەسەپكە الا وتىرىپ ەسەپتەلەدى:

– 0-دەن 30 مينۋتقا دەيىن - ابونەمەنت قۇنىنا قوسىلعان;

– 31-دەن 60-قا دەيىن - 100 تەڭگە;

- 61-دەن 120-عا دەيىن - 250 تەڭگە;

- 121-دەن 180-گە دەيىن - 500 تەڭگە;

- 181-دەن باستاپ جانە ءار كەلەسى ساعاتقا - 1 000 تەڭگە.

تاۋلىكتىك ابونەمەنتتەر:

- 1 تاۋلىكتىك ابونەمەنت - 3 500 تەڭگە;

- 3 تاۋلىكتىك ابونەمەنت - 9 000 تەڭگە;

- 7 تاۋلىكتىك ابونەمەنت - 17 500 تەڭگە.

تاۋلىكتىك ابونەمەنتتەر ەلوردا قوناقتارى مەن شەتەلدىك تۋريستەرگە ارنالادى. تاۋلىكتىك ابونەمەنتتەرگە قول جەتكىزۋ ءۇشىن www.velobike.kz سايتىندا تىركەلۋ قاجەت، جەكە كابينەتتە بانكتىك كارتانىڭ كومەگىمەن ابونەنتتىك تولەم جاسالادى. سونداي-اق دەپوزيتتىك كەپىل ەنگىزىلەدى – 37 500 تەڭگە. دەپوزيت - ۆەلوسيپەدتى ستانتسياعا قايتارۋدىڭ كەپىلى. جالداۋ اياقتالعاننان كەيىن ناقتى ءجۇرۋ سوماسى ەسەپتەن شىعارىلادى جانە بالانستى شەگەرۋدى ەسكەرە وتىرىپ، كەپىلدى ونلاين-قايتارۋ جۇزەگە اسىرىلادى.

پايدالانۋشىلار قالالىق ۆەلوجالداۋ بويىنشا نۇر-سۇلتان قالاسىنىڭ iKOMEK-109 بىرىڭعاي بايلانىس ورتالىعى قوڭىراۋ شالۋ ارقىلى كەڭەس الا الادى.

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار