مەديتسينا • 13 ءساۋىر، 2021

ميعا تامىر جولدارى ارقىلى وپەراتسيا جاسادى

453 رەت كورسەتىلدى

Cوڭعى جىلدارى شىمكەنتە مەديتسينا سالاسىنىڭ دامۋى قارقىن الا باستادى. ونىڭ ءبىر سەبەبى قالا رەسپۋبليكالىق مارتەبە الىپ، دەنساۋلىق ساقتاۋ سالاسىنا قولداۋ ارتا ءتۇستى. ەكىنشىدەن، ەلىمىزدەگى بىلىكتى دە ءبىلىمدى مەديتسينا بىلگىرلەرى شىرايلى شاھارعا كەلىپ قىزمەت ەتۋدە. ماسەلەن، ترانسپلانتولوگ ابىلاي دون­بايدىڭ ءوزى تمد ەلدەرىندە سۇرانىسقا يە مامان ەكەندىگىن باسى اۋىرىپ، بالتىرى سىزداعان جۇرتتىڭ بارلىعى بىلەدى.

جۋىردا شاھارعا نەيرو­حيرۋرگيا­نىڭ مايتالمانى مىڭجىلقى بەر­دىقوجاەۆ قو­نىس اۋدارىپ، №2 قالالىق اۋرۋحانانىڭ باس دارىگەرى قىز­مەتىنە تاعايىندالعان بولاتىن. بىلىكتى نەيروحيرۋرگ مىڭجىلقى بەردىقوجاەۆ جاڭا جۇمىس ورنىندا ينسۋلت الىپ، جەدەل جاردەممەن اۋرۋ­­حاناعا تۇسكەن 57 جاستاعى ايەلگە وتا جاسادى.

«ناۋقاس سۋباراحنويدالدى قان قۇيىلۋمەن العاشقى انەۆريزما-گەمورراگيالىق ين­سۋلتپەن تۇسكەن. وعان ميدىڭ كت-دا-سۋباراحنويدتى قان كەتۋ، كت انگيوگرافيا­سى جاسالعاندا – سول جاق ىش­كى كاروتيد ارتەرياسىنىڭ انە­ۆريز­ماسى انىقتالدى. سون­­دىقتان شۇعىل تۇردە جاڭا بيپلان انگيوگرافىندا رەنت­گەنەندوۆاسكۋليارلىق ادىس­پەن، ياعني باس سۇيەگىن اشپاي وتا جاسالدى. انگيو­گرافتا كت باقى­لاۋ وپەراتسيا­سى جۇرگىزىلدى»، دەيدى نەيروحيرۋرگ.

دارىگەردىڭ ايتۋىنشا، وتا ءساتتى جاسالىپ، قان كەتۋ كوزى جويىلعان. ءارى قاراي ناۋقاسقا ەمدەۋدى تولىق جۇرگىزۋگە بولادى. ايتا كەتەرلىگى، وتكەن جىلى قالالىق اۋرۋحاناعا سوڭعى ۇلگىدەگى انگەوگراف اپ­پاراتى الىنعان بولاتىن. بۇرىن باسىنا قان قۇيىلعان ناۋقاسقا باس سۇيەگىن ويۋ ار­قىلى وتا جاسالسا، جاڭا اپپاراتپەن ميعا تامىر جولدارى ارقىلى وتا جاسالاتىن بولدى.

ەسكە سالار بولساق، مىڭ­جىل­قى سايلاۋ ۇلى ەلىمىزدەگى نەيروحيررۋگيا سالاسىن دامىتىپ، الەمدى مويىنداتقان بىلىكتى دارىگەر. بۇگىنگە دەيىن 5 مىڭنان اسا باس ميىنىڭ تامىرلارىنا جوعارى تەحنو­­لوگيالىق ادىسپەن وتا جا­ساعان. ناۋقاستىڭ قان تامىر­لارىنىڭ ىشىنە وتا جاساپ كەلە جاتقانىنا 12 جىلدان استى. ءتىپتى تۋما اۋىتقۋى بول­عان سابيلەردىڭ دە مي تامىرلارىنا ءساتتى وپەراتسيا جاساپ، ساۋىقتىرىپ شىعارىپ كەلەدى.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار