ەكىنشى ورتا سالماقتاعى ايدوس ەربوسىن ۇلى كاسىپقويلار اراسىندا 15 رەت شارشى الاڭعا شىعىپ, بارلىق باسەكەدە مەرەيى ۇستەم بولدى. 10 قارسىلاسىن نوكاۋتپەن ۇتتى. قازىرگى كەزدە WBC Asian, WBA International جانە WBO Global نۇسقاسىنىڭ التىن بەلبەۋىن يەلەنىپ وتىرعان ول رەسەيلىك ەۆگەني شۆەدەنكومەن تارتىسۋعا ءتيىس ەدى.
قارسىلاسى دا وتە مىقتى بوكسشى. قيىر شىعىستىڭ قىرانى دا كۇنى بۇگىنگە دەيىن جەڭىلىستىڭ كەرمەك ءدامىن تاتقان ەمەس. وسى جەكپە-جەكتە جەڭىسكە جەتكەن ساڭلاق IBF نۇسقاسىنىڭ چەمپيوندىق اتاعى ءۇشىن تالاسۋ مۇمكىندىگىنە يە بولاتىن ەدى. وكىنىشكە قاراي, جەرلەسىمىز سىرقاتتانىپ قالىپ, بۇل باسەكە كەيىنگە شەگەرىلدى.
