«قولدانىستاعى نوسەر كارىزدەرىنىڭ قۋاتى جەتكىلىكسىز ەكەنىن ەسكەرە وتىرىپ, جاڭا نوسەر كارىزدەرىن سالۋ, كوللەكتورلاردى كەڭەيتۋ بويىنشا جۇيەلى جۇمىس جۇرگىزۋدەمىز. كەشە قالانى ارالاۋ بارىسىندا بىرقاتار نىسانعا باردىم. ولار بويىنشا شەشىم قابىلداۋ قاجەت بولدى.
مىسالى, الماتى اۋدانىندا (ش.قالداياقوۆ كوشەسى) سورعى ستانسالارى بار نوسەر كوللەكتورىنىڭ قۇرىلىسىن جۇرگىزىپ جاتىرمىز. سوڭعى جىلدار ىشىندە ونىڭ فۋنكتسياسىن بىرنەشە رەت ىستەن شىققان تۇرمىستىق كارىز جۇيەسى اتقاردى. وسىلايشا نوسەر جاۋىن وتكىزۋ قۋاتىن بىرنەشە ەسەگە ارتتىرىپ, جاقىن ورنالاسقان كوشەلەر مەن ۇيلەردى سۋ باسۋدان ساقتايدى», دەپ جازدى اكىم.
ونىڭ ايتۋىنشا, جاڭا ۆوكزال اۋدانى جىل سايىن ينفراقۇرىلىمعا, ينجەنەرلىك جەلىلەرگە (سۋ, ەلەكتر ەنەرگياسى, كارىز جانە ت. ب.) جۇكتەمە ارتاتىن سالىنىپ جاتقان اۋدانعا جاتادى. سول اۋداندا اكىم نوسەر كارىزىنىڭ قۇرىلىسىن قايتا باستاۋدى تاپسىرعان.. نوسەر كارىزىنىڭ قۋاتى مىڭجىلدىق اللەياسى جانە ۆوكزال اۋدانىنداعى جۇكتەمەنى ازايتۋعا مۇمكىندىك بەرىپ قانا قويماي, تۇرعىندار مەن وبەكتىلەر سانىنىڭ كوبەيۋىنە بايلانىستى ودان ءارى جۇكتەمەلەردى ەسكەرە وتىرىپ ەسەپتەلەدى.
« ۇلى دالا داڭعىلىندا ورنالاسقان نوسەر كارىزىنىڭ پروبلەمالىق ۋچاسكەسىن اياقتاۋ قاجەت. سونىمەن قاتار جاۋىن-شاشىن كوپ بولعان كەزدە سۋ استىنا كەتەتىن بىرقاتار پروبلەمالىق ۋچاسكەلەر بار: بۇل - ب.مومىش ۇلى داڭعىلى, «مولودەجنىي» شاعىن اۋدانى جانە ت. ب. ولار بويىنشا قۇرىلىس وسى جىلى اياقتالادى.
وسىلايشا نوسەر كارىزدەرىنىڭ بىرقاتار پروبلەمالىق ماسەلەلەرى شەشىلەدى. «مولودەجنىي» شاعىن اۋدانىنداعى تازارتۋ قۇرىلىسىنىڭ ۇستىندە اباتتاندىرۋ, كوگالداندىرۋ جۇمىستارى جۇرگىزىلگەن الاڭ بولادى. وسى باعىت بويىنشا جۇمىستاردى جۇيەلى تۇردە جۇرگىزەمىز», دەپ جازدى قالا اكىمى.
