ەلباسى • 09 ءساۋىر، 2021

ەلباسى حانزادا ءفيليپپتىڭ قايتىس بولۋىنا بايلانىستى كوڭىل ايتتى

549 رەت كورسەتىلدى

ەلباسى حانزادا ءفيليپتىڭ قايتىس بولۋىنا بايلانىستى ۇلىبريتانيا جانە سولتۇستىك يرلانديا قۇراما كورولدىگىنىڭ پاتشايىمى ءىى ەليزاۆەتاعا كوڭىل ايتۋ جەدەلحاتىن جولدادى، دەپ حابارلايدى Egemen.kz تۇڭعىش پرەزيدەنتتىڭ ءباسپاسوز قىزمەتىنە سىلتەمە جاساپ.

نۇرسۇلتان نازارباەۆ حانزادا ءفيليپتىڭ ومىردەن وتكەنى تۋرالى سۋىت حاباردى كۇيزەلىسپەن قابىلدادى.

«ول جارقىن ءارى ماعىنالى عۇمىر كەشتى. ءسىزدىڭ سەنىمدى تىرەگىڭىز بولىپ، ەل مۇددەسى جولىندا ناعىز پاتريوت جانە حالىقارالىق دەڭگەيدەگى ءبىرتۋار قايراتكەر رەتىندە تاريحي ءىز قالدىردى.

ۇلىبريتانيا جانە سولتۇستىك يرلانديا قۇراما كورولدىگىنە ساپارلارىم بارىسىندا وزىڭىزبەن جانە حانزادا فيليپپەن بولعان كەزدەسۋلەردە مارقۇمنىڭ قازاقستانعا دەگەن ءىلتيپاتتى كوڭىلى مەن يگى نيەتىن ءاردايىم سەزەتىنمىن.

ءسىزدىڭ جانە تۋىستارىڭىزدىڭ قايعىسىنا ورتاقپىن.

وسىناۋ ازالى ساعاتتا، ۇلى مارتەبەلى، سىزگە، وتباسىڭىزعا، بۇكىل ۇلىبريتانيا جانە سولتۇستىك يرلانديا قۇراما كورولدىگىنىڭ حالقىنا سابىر تىلەپ، كوڭىل ايتامىن»، – دەلىنگەن جەدەلحاتتا.

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار