قوعام • 09 ءساۋىر، 2021

قازاقستاننىڭ قارۋلى كۇشتەرىندە باقىلاۋ تەكسەرىسى ءوتىپ جاتىر

20 رەت كورسەتىلدى

اسكەرلەردىڭ جاۋىنگەرلىك جانە جەدەل دايارلىق دەڭگەيىن جەتىلدىرۋگە باعىتتالعان باقىلاۋ تەكسەرىسى قازاقستاننىڭ اسكەرى  ءۇشىن 2021 جىلعى قىسقى وقۋ كەزەڭىنىڭ نەگىزگى ەمتيحانى بولماق، دەپ حابارلايدى Egemen.kz قورعانىس مينيسترلىگىنىڭ ءباسپاسوز قىزمەتىنە سىلتەمە جاساپ.

 

تەكسەرۋ ءىس-شارالارىنىڭ باستى ماقساتى – جاۋىنگەرلىك دايارلىقتىڭ ناقتى جاعدايىن انىقتاپ، قولباسشىلىققا بولىمدەردىڭ جاۋىنگەرلىك ازىرلىگىن جەتىلدىرۋدە ءىس جۇزىندە كومەك كورسەتۋ.

بولىمدەر مەن بولىمشەلەردىڭ اسكەري قىزمەتشىلەرى تاكتيكالىق، ارنايى، اتىس، دەنە شىنىقتىرۋ، مەملەكەتتىك-قۇقىقتىق دايارلىق، اسكەري توپوگرافيا جانە باسقا دا وقىتۋدىڭ نەگىزگى پاندەرىنەن ەمتيحان تاپسىرادى.

- قىسقى وقۋ كەزەڭىندە قازىرگى زامانعى قارۋلى قاقتىعىستاردىڭ تاجىريبەسىن زەردەلەۋگە جانە تالداۋعا كوپ كوڭىل ءبولىندى. اسكەرلەردىڭ دالالىق داعدىسىن جەتىلدىرە وتىرىپ، اسكەري باسقارۋ بولىمشەلەرى مەن ورگاندارىنىڭ تاكتيكالىق بۋىنىن ۇيلەستىرۋ ارقىلى، ءبىز اسكەرلەردى ماقساتقا ساي قولدانۋ ءۇشىن پراكتيكادا جاۋىنگەرلىك وقۋدىڭ جاڭا نىساندارى مەن ادىستەرىن قولداندىق، سونداي-اق، جاۋىنگەرلىك ءىس-قيمىلداردى دايىنداۋ جانە جۇرگىزۋ ماسەلەلەرىن زەرتتەدىك. اتالمىش، باقىلاۋ تەكسەرىسى كومانديرلەر جۇمىسىنىڭ ناتيجەسىن قورىتىندىلاپ، ءالسىز جەرلەردى انىقتاۋعا جانە ءىس جۇزىندە قولداۋعا كومەكتەسەدى، - دەدى قۇرلىق اسكەرلەرى باس قولباسشىسىنىڭ جاۋىنگەرلىك دايارلىق جونىندەگى ورىنباسارى گەنەرال-مايور داۋلەت وسپانوۆ.

بۇل رەتتە، كوميسسيالار اسكەري دايارلىقتى ۇيىمداستىرۋ ماسەلەلەرىن جان-جاقتى تەكسەرىپ، اسكەري ءبولىم باسقارماسىنىڭ جانە بولىمشەلەردىڭ جاۋىنگەرلىك دايارلىق دەڭگەيىن باعالايدى.

بارلىق باقىلاۋ ءىس-شارالارى تەكسەرۋ كەزىندە سانيتارلىق-ەپيدەميولوگيالىق تالاپتاردى ساقتاي وتىرىپ جۇرگىزىلەدى. قارۋدى قولدانۋ ارقىلى جاۋىنگەرلىك وقۋ-جاتتىعۋ مىندەتتەرىن جۇرگىزۋ كەزىندە قاۋىپسىزدىك تالاپتارىن مۇلتىكسىز ساقتاۋعا ەرەكشە نازار اۋدارىلادى.

سوڭعى جاڭالىقتار

وسكەمەندە 5 كولىك سوقتىعىستى

ايماقتار • بۇگىن، 19:15

باس سانيتاردىڭ جاڭا قاۋلىسى شىقتى

قازاقستان • بۇگىن، 14:22

ۇقساس جاڭالىقتار