اكادەميا باسشىسى دارحان قىدىرالى جانار امانگەلدىقىزىن ۋنيۆەرسيتەت باسشىلىعىنا تاعايىندالۋىمەن قۇتتىقتاپ, جاۋاپتى قىزمەتتە تابىستى بولۋىنا تىلەكتەستىك ءبىلدىردى.
سونىمەن قاتار تاراپتار تۇركى الەمىندە عىلىم مەن ءبىلىم سالاسىنداعى ىنتىماقتاستىقتى تەرەڭدەتۋ, تۇركى كەڭەسى سامميتىندە مەملەكەت باسشىلارى كوتەرگەن باستامالار مەن تاپسىرمالاردى بىرلەسىپ جۇزەگە اسىرۋ, تۇركى حالىقتارىنداعى تۇعىرلى تۇلعالاردىڭ تاعىلىمى مەن مۇرالارىن ناسيحاتتاۋ, «تۇركىستان – تۇركى الەمىنىڭ رۋحاني استاناسى» تاقىرىبى توڭىرەگىندە ورتاق جوبالاردى قولعا الۋ قاتارلى ماسەلەلەر بويىنشا پىكىر الماستى.
كەزدەسۋ سوڭىندا اكادەميا باسشىسى ۋنيۆەرسيتەت رەكتورىنا تۇركى اكادەمياسى جارىققا شىعارعان بىرقاتار باعالى باسىلىمدى سىيعا تارتتى.
