قوعام • 08 ءساۋىر، 2021

Nur Otan قازاقستاندىقتاردىڭ كەز كەلگەن وتىنىشىنە قۇلاق اسادى

41 رەت كورسەتىلدى

جىل باسىنان بەرى «Nur Otan» پارتياسىنىڭ قوعامدىق قابىلداۋ بولمەلەرىنە 43 مىڭنان استام ءوتىنىش تۇسكەن. ولاردىڭ ىشىندە ەرەكشە قاجەتتىلىكتەرى بار ازاماتتار ءۇشىن قولجەتىمدى ورتا جاساۋ، كوپبالالى جانە از قامتىلعان وتباسىلارعا الەۋمەتتىك كومەك كورسەتۋ، ەڭبەك قۇقىقتارىنىڭ بۇزىلۋى سەكىلدى ماسەلەلەر بار، دەپ حابارلايدى Egemen.kz.

«Nur Otan» پارتياسىنىڭ ءباسپاسوز قىزمەتىنىڭ مالىمەتىنشە، پارتيا كىشىگىرىم وتىنىشتەردىڭ وزىنەن باس تارتپاي، تۇرعىنداردىڭ بارلىق سۇرانىستارىن شەشۋگە كومەكتەسەدى.

ماسەلەن، شىعىس قازاقستان وبلىسى بورودۋليحا اۋدانىنىڭ تۇرعىنى «Nur Otan» پارتياسىنا وتباسىن اجىراسۋدان ساقتاپ قالۋدى سۇراپ، ءوتىنىش بىلدىرگەن. ءوز كەزەگىندە پارتيانىڭ قوعامدىق قابىلداۋىندا زاڭگەرلەر مەن مەدياتوردىڭ تەگىن قىزمەتتەرى ۇسىنىلدى. ناتيجەسىندە ەرلى-زايىپتىلار تاتۋلاستى.

اتىراۋ وبلىسىندا نۇروتاندىقتار ەر ادامعا جۇمىس تابۋعا كومەكتەستى. جۇبايىنان ايىرىلىپ، ەكى بالاسىمەن جالعىز قالعان ول پاندەمياعا بايلانىستى جۇمىستان دا شىعىپ قالعان. تۇرعىن «Nur Otan» پارتياسىنىڭ جىلىوي اۋداندىق فيليالىنا كەلىپ، بوس جۇمىس ورىندارىن ىزدەۋگە كومەك كورسەتۋدى سۇرادى. ناتيجەسىندە پارتيالىقتار وعان اۆتوبۋس جۇرگىزۋشىسى بولىپ جۇمىسقا تۇرۋعا كومەكتەستى.

الماتى وبلىسىندا قاراساي اۋدانى ايتەي اۋىلىندا تۇراتىن زەينەتكەر مارال ومىشەۆا 5 جىل بويى جەرگىلىكتى بيلىك ورگاندارىنان ءۇيىنىڭ جانىنداعى جوعارى كەرنەۋلى ەلەكتر كولونكاسىن ۋچاسكەدەن تىس جەرگە شىعارۋعا كومەك سۇراپ كەلگەن. زەينەتكەر وسى ماسەلە بويىنشا «Nur Otan»-نان كومەك سۇراپ كەلىپ، پارتيانىڭ ارالاسۋىنان كەيىن عانا ماسەلە وڭ شەشىمىن تاپتى.

تارازدا پارتيا وكىلدەرى I توپتاعى مۇگەدەك راۋان راۋىلبەكوۆكە الەۋمەتتىك جاردەماقى بويىنشا 3 ايلىق قارىزىن الۋعا كومەكتەستى. بۇل جاعداي ونىڭ قاجەتتى قۇجاتتاردى ۋاقىتىندا تاپسىرعانىنا قاراماستان ورىن العان.

«پارتياعا كەلمەس بۇرىن ماسەلەمدى العا تارتىپ، ءارتۇرلى دەڭگەيدەگى 5 مەكەمەنىڭ وكىلدەرىنە بىرنەشە رەت باردىم. بىراق ودان ەشقانداي ناتيجە بولمادى. سوسىن الەۋمەتتىك جەلىدەن «Nur Otan» پارتياسىنىڭ قوعامدىق قابىلداۋ بولمەسى بار ەكەنى جانە وندا ازاماتتاردى ءتۇرلى دەڭگەيدەگى باسشىلاردىڭ قابىلدايتىنى تۋرالى حابارلاندىرۋدى كەزدەيسوق كوزىم شالىپ قالدى. وسىلايشا، 3 ايدان استام ۋاقىتقا سوزىلعان ماسەلەمدى 3 كۇندە شەشىپ بەردى»، دەدى راۋان راۋىلبەكوۆ.

سونىمەن قاتار «Nur Otan» بەلسەندىلەرى قىس بويى زەينەتكەرلەرگە، ارداگەرلەرگە جانە ەرەكشە قاجەتتىلىكتەرى بار ادامدارعا اۋلالاردى قاردان تازالاۋعا، ال كوكتەم شىققالى جەكە ءۇي-جايلارىنىڭ ماڭىن ەرىگەن قار سۋىنان ارشۋعا كومەكتەستى.

وتكەن جىلى «Nur Otan» قوعامدىق قابىلداۋىنا 393 مىڭنان استام ءوتىنىش ءتۇستى. بۇل رەتتە 5 جىل ىشىندە پارتياعا 1،2 ملن ادام جۇگىنسە، ونىڭ 423 مىڭنان استامى – ونلاين-فورماتتا. ولاردىڭ 92% وڭ شەشىمىن تاپتى، تەگىن كونسۋلتاتيۆتىك، قۇقىقتىق جانە وزگە دە كومەك كورسەتىلدى.

«حالىققا كومەك» جوباسى اياسىندا زاڭگەرلەرمەن، ادۆوكاتتارمەن، مەدياتورلارمەن جانە نوتاريۋستارمەن تەگىن كونسۋلتاتيۆتىك ونلاين-كەزدەسۋلەر ۇيىمداستىرىلدى. سونداي-اق، وتباسى، ايەلدەر جانە بالالاردىڭ قۇقىقتارىن قورعاۋ جانە تۇرمىستىق زورلىق-زومبىلىققا قارسى ءىس-قيمىل ماسەلەلەرى بويىنشا «111 شۇعىل قىزمەتى» ارنايى بايلانىس ورتالىعى ىسكە قوسىلدى.

سوڭعى جاڭالىقتار

ىندەت قايتا ءورشىدى

الەم • بۇگىن، 20:44

ليسيچانسك كىمنىڭ قولىندا؟

الەم • بۇگىن، 20:41

وڭىردە دامۋ ءۇردىسى بار

ايماقتار • بۇگىن، 20:27

تاڭدايدىڭ تارلانى

تاريح • بۇگىن، 20:24

جوعالعان سولدات

تاريح • بۇگىن، 20:22

ساناداعى سىلكىنىس نەمەسە كۇرەسكەردىڭ قالىپتاسۋى

احمەت بايتۇرسىن ۇلى • بۇگىن، 20:18

دومبىرانى دارىپتەدى

رۋحانيات • بۇگىن، 20:00

الماتىدا 36 گرادۋس ىستىق بولادى

اۋا رايى • بۇگىن، 16:40

بۇگىن - ۇلتتىق دومبىرا كۇنى

قازاقستان • بۇگىن، 08:50

ۇقساس جاڭالىقتار