باسىلىم مالىمەتىنشە, گورگان قالاسىنان ۇشىپ شىققان العاشقى رەيس 2021 جىلى 1 ساۋىردە اقتاۋ قالاسىنا قوندى. العاشقىدا اۋەرەيستەر ايىنا ءبىر رەت ورىندالادى. بولاشاقتا ولاردىڭ جيىلىگىن ارتتىرۋ جوسپارلانادى. يران اۋەكومپانياسى ءوزىنىڭ ىشكى جانە حالىقارالىق رەيستەرىندە ءتورت تۋ-154 جانە بىرنەشە MD-80 فلوتىمەن, سونداي-اق Fokker-100 ۇشاقتارىمەن شىعادى.
يران مەن قازاقستان تاريحي تۇرعىدا باۋىرلاستىق جانە دوستىق قارىم-قاتىناستا, ال تىكەلەي اۋە قاتىناسى ەكى حالىقتىڭ بايلانىسى مەن دوستىعىن نىعايتۋداعى تاعى ءبىر قادام بولادى.
ستاتيستيكالىق دەرەكتەرگە سايكەس يراننىڭ ەۋرازيالىق ەكونوميكالىق وداق (ەاەو) مۇشەلەرىمەن ساۋداسى 2020 جىلعى 20 ناۋرىز بەن 2021 جىلعى 18 اقپان ارالىعىنداعى كەزەڭدە 1,9 ميلليارد دوللار بولعان. بىلتىرعى كەزەڭىمەن سالىستىرعاندا كورسەتكىشتەر 9,4 پايىزعا تومەندەدى. وتكەن 11 ايدا يران ەاەو ەلدەرىنە 933 ميلليون دوللار سوماسىنا 2,4 ميلليون توننا تاۋار ەكسپورتتادى. بۇل سالماعى بويىنشا 17 پايىزعا جانە قۇنى بويىنشا ءتورت پايىزعا از.
