قوعام • 06 ءساۋىر، 2021

Nur Otan قازاقستاندىقتاردىڭ ءتۇيىندى ماسەلەلەرىن باقىلاۋعا الدى

101 رەت كورسەتىلدى

«Nur Otan» پارتياسى 3 اي ىشىندە پارتيالىق باقىلاۋ كوميسسياسىنىڭ 624 وتىرىسىن وتكىزىپ، وندا 1918 ماسەلە قارالدى. ولاردىڭ اراسىندا الەۋمەتتىك تۇرعىن ءۇي بەرۋ كەزىندەگى زاڭ بۇزۋشىلىقتار، پارتيالىق ەتيكانى ساقتاماۋ، جاتاقحانالاردىڭ ساپاسىز سالىنۋى جانە ت.ب. كوپتەگەن ءتۇيىندى ماسەلەلەر بار، دەپ حابارلايدى Egemen.kz.

پارتيا ءباسپاسوز قىزمەتىنىڭ مالىمەتىنشە، ازاماتتاردىڭ وتىنىشتەرى نەگىزىندە مىڭنان استام ءتۇرلى رەيدتەر دە ۇيىمداستىرىلعان.

ماسەلەن، جەزقازعان قالاسىندا پاتەردى زاڭسىز بەرگەنى ءۇشىن بىردەن ءۇش شەنەۋنىك «Nur Otan» پارتياسىنىڭ قاتارىنان شىعارىلدى. جاقىندا وتكەن پروكۋرورلىق تەكسەرۋ كورسەتكەندەي، توعىز وتباسى «نۇرلى جەر» باعدارلاماسى بويىنشا زاڭسىز تۇردە باسپانالى بولعان. بۇل جاعدايدى قاراعاندى وبلىستىق پارتيالىق باقىلاۋ كوميسسياسى باقىلاۋعا الدى. پاتەر كىلتتەرى قالالىق تكش باسقارماسىنىڭ ءۇش قىزمەتكەرىنىڭ دوستارى مەن تانىستارىنا تاپسىرىلعانى انىقتالدى. بارلىق توعىز وتباسى سوت شەشىمى بويىنشا پاتەرلەردى بوساتتى. ەندى ولاردىڭ ورنىنا باسپاناعا شىن مۇقتاج ادامدار قونىستاناتىن بولادى.

الماتىدا پارتيا مۇشەلەرى جەكە قورعانىش قۇرالدارىنا قاتىستى مەديتسينا قىزمەتكەرلەرىنىڭ ايلا-شارعىعا بارۋى مۇمكىن جاعدايدىڭ جولىن كەستى. بۇعان دەيىن قوعام بەلسەندىلەرى №4 قالالىق جەدەل جاردەم بولىمىنەن ەسەپكە الىنباعان وباعا قارسى جيىنتىقتار، قورعانىس ەكراندارى، ءبىر رەتتىك كوزىلدىرىكتەر ساقتالعان قويمانى تاپقان ەدى. قويمادان تابىلعانداردىڭ بارلىعى گۋمانيتارلىق كومەك اياسىندا كەلگەن. بۇل جاعدايدى «Nur Otan» پارتياسىنىڭ قالالىق فيليالى جەدەل باقىلاۋعا الدى.

«انىقتالعان زاڭ بۇزۋشىلىق فاكتىسى بويىنشا الماتى قالاسىنىڭ جەدەل مەديتسينالىق كومەك قىزمەتىنىڭ باسشىلىعىنا تارتىپتىك كەڭەس وتكىزۋ ۇسىنىلدى»، - دەپ اتاپ ءوتتى پارتيالىق باقىلاۋ كوميتەتىنىڭ توراعاسى ارتۋر پلاتونوۆ.

ال اقتوبە قالاسىنىداعى جاتاقحانالاردىڭ ءبىرىنىڭ تۇرعىندارى 45 ملن.تەڭگە جۇمسالىپ جۇرگىزىلگەن كۇردەلى جوندەۋدەن كەيىن دە عيماراتتىڭ قۇلاۋعا جاقىن تۇرعانىنا شاعىمداندى. بۇعان جاۋاپ رەتىندە مەردىگەر كومپانيا پيك توراعاسى مەن تۇرعىنداردىڭ ءبىرازى قابىلداۋ اكتىسىنە قول قويعانىن جانە ول كەزدە ەشقانداي كەمشىلىكتەردى بايقاماعانىن العا تارتتى. بۇل ماسەلەگە قالالىق پارتيالىق باقىلاۋ كوميسسياسى ارالاستى. سونىمەن، ۇيگە جۇرگىزىلگەن تەكسەرۋ جۇمىستارى كارىز قۇبىرلارى مەن جۋىناتىن بولمەلەردە ولقىلىقتار بار ەكەنىن كورسەتتى. نۇروتاندىقتار اقتوبە اكىمدىگىنە بارلىق انىقتالعان كەمشىلىكتەردى جويۋعا جانە اقاۋلارعا قاتىستى اكتىنى 10 ساۋىرگە دەيىن ۇسىنۋعا كەڭەس بەردى.

قىزىلوردادا وبلىستىق ءماسليحات دەپۋتاتى باقداۋلەت ماقاشوۆ سالتاناتتى ءىس-شارا وتكىزگەن. سانيتارلىق-ەپيدەميولوگيالىق تالاپتاردىڭ بۇزىلۋىنا قاتىستى «Nur Otan» پارتياسى جەدەل ارەكەت ەتىپ، ونى قىزىلوردا وبلىستىق پارتيالىق باقىلاۋ كوميسسياسىنىڭ توراعاسى قىزمەتىنەن بوساتتى.

پارتيانىڭ ءباسپاسوز قىزمەتىندە اتاپ وتكەندەي، وتكەن جىلى پارتيالىق باقىلاۋ كوميتەتى مەن كوميسسيالارى جەكە جانە زاڭدى تۇلعالاردىڭ 1150 ءوتىنىشىن قاراعان. 100-دەن استام رەزونانستىق ماسەلە وڭ شەشىمىن تاپتى، ورتالىق جانە جەرگىلىكتى اتقارۋشى ورگاندارعا 220-دان استام ۇسىنىم ەنگىزدى.

2020 جىلى پارتيالىق جاۋاپكەرشىلىككە 400-دەن استام ادام تارتىلسا، ولاردىڭ قاتارىندا بىرقاتار ۆيتسە-مينيسترلەر، وبلىس اكىمدەرىنىڭ ورىنباسارلارى، ماسليحاتتارداعى فراكتسيالار باسشىلارى جانە ت.ب. بار. ولاردىڭ ىشىندە ءتۇرلى زاڭ بۇزۋشىلىقتارعا جول بەرگەنى ءۇشىن 100-دەن استام ادام پارتيادان شىعارىلدى.

سوڭعى جاڭالىقتار

وڭىردە دامۋ ءۇردىسى بار

ايماقتار • كەشە

تاڭدايدىڭ تارلانى

تاريح • كەشە

جوعالعان سولدات

تاريح • كەشە

دومبىرانى دارىپتەدى

رۋحانيات • كەشە

ۇقساس جاڭالىقتار