اتالعان ورتالىقتىڭ ماقساتى – ەتنوستاردىڭ, مادەنيەتتەر مەن دىندەردىڭ شىعۋ تەگىنە ارنالعان ىرگەلى جانە قولدانبالى زەرتتەۋلەر جۇرگىزۋ; ءتۇرلى وركەنيەت پەن مادەنيەتتىڭ ءوزارا اسەر ەتۋىنىڭ كەشەندى پروتسەسىنە مۇمكىندىك بەرەتىن ۇلى جىبەك جولىن زەرتتەۋ; حالىقارالىق دەڭگەيدە بەيبىتشىلىك پەن تۇراقتى دامۋ مۇددەسىندە مادەنيەتارالىق ديالوگ قۇندىلىقتارىن تاراتۋ, عالىمدار مەن مادەنيەت قايراتكەرلەرىنىڭ تۇراقتى قوعامدىق دامۋ باعىتىنداعى قىزمەتىن ۇيلەستىرۋ.
مادەنيەتتەردى جاقىنداستىرۋ حالىقارالىق ورتالىعى – ەتنوس, مادەنيەت, جانە دىندەردىڭ شىعۋ تەگى جايلى ىرگەلى جانە قولدانبالى زەرتتەۋلەر جۇرگىزۋگە باعىتتالعان حالىقارالىق ىنتىماقتاستىق ءۇشىن بىرەگەي پلاتفورما.
ورتالىق ديرەكتورى ولجاس سۇلەيمەنوۆ اقتوتى رايىمقۇلوۆامەن كەزدەسۋ اياسىندا مادەنيەت سالاسىنداعى زەرتتەۋلەردى ءتيىمدى جۇزەگە اسىرۋ ماقساتىندا يۋنەسكو اياسىندا مادەنيەتتەردى جاقىنداستىرۋ حالىقارالىق ورتالىعى مەن قازاقستان مادەنيەتىنىڭ عىلىمي-زەرتتەۋ ينستيتۋتىن بىرىكتىرۋ تۋرالى ۇسىنىسىن جەتكىزدى. ايتا كەتەيىك, اتالعان ۇسىنىس ۇكىمەتكە تالقىلاۋعا ۇسىنىلدى. سونىمەن قاتار ولجاس سۇلەيمەنوۆ ورتالىقتىڭ الداعى جىلدارعا ارنالعان جۇمىسى, ماقسات-مىندەتتەرىمەن تانىستىردى.
بيىل مادەنيەتتەردى جاقىنداستىرۋ حالىقارالىق ورتالىعىنىڭ ديرەكتورى, تانىمال اقىن, مەملەكەت جانە قوعام قايراتكەرى ولجاس سۇلەيمەنوۆتىڭ تۋعانىنا 85 جىل. اقتوتى رايىمقۇلوۆا ءىس-ساپار بارىسىندا وسىناۋ مەرەيتوي اياسىندا جوسپارلانعان ءىس-شارالارعا دايىندىققا ەرەكشە دەن قويدى.
ۇيىمداستىرۋشىلاردىڭ اقپاراتى بويىنشا كەشەندى ءىس-شارالار لەگى وتەدى. مىسالى, 9 ساۋىردە بايقوڭىر قالاسىندا ادامنىڭ عارىشقا ۇشقانىنا جانە «ادامعا تابىن, جەر, ەندى!» پوەماسىنىڭ جازىلعانىنا 60 جىل تولۋىنا وراي سالتاناتتى كەش, 17 مامىر الماتىدا «مى كوچۋەم ناۆسترەچۋ سەبە, ۋزناۆاياس ۆ درۋگوم: ولجاس ي سبليجەنيە كۋلتۋر» تاقىرىبىندا حالىقارالىق عىلىمي كونفەرەنتسيا, 18 مامىر الماتى مەن ماسكەۋ قالاسىندا اقىننىڭ شىعارماشىلىق كەشى وتەدى.
ولجاس سۇلەيمەنوۆتىڭ جيىرما ءبىر تومدىق شىعارمالار جيناعى شىعارىلادى. وسى ءىس-شارالار بارىسىندا كوپشىلىك ولجاس سۇلەيمەنوۆتىڭ شىعارماشىلىعىمەن تولىق تانىسا الادى.
كەزدەسۋ سوڭىندا مينيستر « ۇلى جىبەك جولىنداعى مادەنيەت پەن ءدىن» تاقىرىبىنداعى ەكسپوزيتسيامەن تانىستى.
