ايماقتار • 05 ءساۋىر، 2021

قازالى اۋدانىندا ەپيدەميولوگيالىق احۋال كۇردەلەنىپ بارادى

80 رەت كورسەتىلدى

بۇل تۋرالى بۇگىن اۋدان اكىمى مۇرات ەرگەشباەۆتىڭ توراعالىعىمەن وتكەن جەدەل شتاب وتىرىسىندا ايتىلدى.

اۋدان باسشىسى كۇنى كەشە قازالى قالاسىنداعى ء«ورىمتال» بالاباقشاسىنان 9 بىردەي ناۋقاس شىقققانىن،  سوندىقتان قاۋىپسىزدىك شارالارىن كۇشەيتۋ قاجەتتىگىن اتاپ ءوتتى.

اۋداندىق سانيتارلىق-ەپيدەميولوگيالىق باقىلاۋ باسقارماسىنىڭ باسشىسى گۇلسىم يماندوسوۆا، اۋداندىق پوليتسيا ءبولىمى باستىعىنىڭ ورىنباسارى ەركەبۇلان جۇرسىنباەۆ اۋدانداعى ەپيدەميولوگيالىق احۋال جانە اتقارىلىپ جاتقان جۇمىستار تۋرالى باياندادى.

قازالى اۋدانارالىق اۋرۋحاناسىنىڭ باس دارىگەرى باقىتگۇل الىشەۆا 3 ناۋقاستىڭ جاعدايى اۋىر ەكەندىگىن، وسىعان وراي اۋرۋحانادا ينفەكتسيالىق پوستقا قوسىمشا 2 رەانيماتسيالىق پوست اشىلعانىن جەتكىزدى.

باسقوسۋدا اۋدان اكىمى تەز ارادا قازالى قالاسىنداعى اۋرۋ انىقتالعان وشاقتار مەن 2 بالاباقشا، 3 مەكتەپ، 1 كوللەدج جانە قالا اكىمى اپپاراتىنىڭ عيماراتىنا دەزينفەكتسيا جۇمىستارىن جۇرگىزۋدى تاپسىردى. سونداي-اق، جالپى اۋدانداعى ءبىلىم بەرۋ ۇيىمدارىن، ونىڭ ىشىندە قالاداعى مەكتەپتەردى ءبىرىنشى كەزەكتە ونلاين وقۋعا كوشىرىپ، بالاباقشالاردى جاعداي تۇراقتالعانشا ۋاقىتشا جابۋدى تاپسىردى.

– جۇقپالى ىندەتتىڭ الدىن الۋ ماقساتىندا بازارلار مەن دۇكەندەردە، قوعامدىق تاماقتانۋ جانە مەيرامحانالاردا ساقتىق شارالارىنىڭ قاتاڭ ساقتالۋىن قاداعالاۋىمىز قاجەت. ول ءۇشىن مونيتورينگتىك توپتار بەلسەندى جۇمىس ىستەۋى ءتيىس. قازىرگى تاڭدا قوعامدىق كولىك جۇرگىزۋشىلەرىنىڭ كوبىسى ماسكا تاقپايدى. ولاي بولمايدى. سەبەبى وبلىس بويىنشا ءبىزدىڭ اۋداندا تىركەلگەن ناۋقاستار سانى كوپ بولىپ تۇر. وسىنى حالىققا ءتۇسىندىرۋىمىز قاجەت، – دەپ اۋدان اكىمى مۇرات ەرگەشباەۆ جەدەل شتاب وتىرىسىن قورىتىندىلادى.

سوڭعى جاڭالىقتار

مەرەكە قارساڭىندا ماراپاتتالدى

ايماقتار • بۇگىن، 13:58

6 مامىرعا ارنالعان ۆاليۋتا باعامى

ەكونوميكا • بۇگىن، 11:16

«چەلسي» فينالعا شىقتى

سپورت • بۇگىن، 10:48

ۇقساس جاڭالىقتار