ءىىم م. ەسبولاتوۆ اتىنداعى الماتى اكادەمياسىندا ونلاين رەجيمدە ىشكى ىستەر ورگاندارىنىڭ باسشى قۇرامىن دايارلاۋ فاكۋلتەتىنىڭ اشىلۋىن وتكىزدى.
فاكۋلتەت تىڭداۋشىلارىن العاشقى قابىلداۋ الدىندا ىشكى ىستەر ءمينيسترى ەرلان تۇرعىمباەۆ قۇتتىقتاۋ ءسوز سويلەدى.
ء«ىىم ەل پرەزيدەنتىنىڭ تاپسىرماسىنا سايكەس ىشكى ىستەر ورگاندارىن جاڭعىرتۋ بويىنشا جۇيەلى جۇمىس جۇرگىزۋدە. ول ەڭ الدىمەن پوليتسيانىڭ اشىقتىعىن قامتاماسىز ەتۋگە, ازاماتتاردىڭ سەنىم دەڭگەيىن ارتتىرۋعا جانە ولاردىڭ كونستيتۋتسيالىق قۇقىقتارىن قورعاۋعا باعىتتالعان. وسىعان بايلانىستى كادر جۇمىسىنا جانە ءتارتىپ ساقشىلارىنىڭ بىلىكتىلىگىن ارتتىرۋعا ۇلكەن ءمان بەرىلەدى», دەدى مينيستر.
پوليتسيا ۆەدومستۆوسىنىڭ باسشىسى جاڭا فاكۋلتەتتىڭ اشىلۋىنىڭ الدىندا ۇلكەن تالداۋ جۇمىستارى جۇرگىزىلگەنىن اتاپ ءوتتى.
«ىشكى ىستەر مينيسترلىكتەرىنىڭ باسشى قۇرامىن دايارلاۋ بويىنشا ارنايى وقۋ ورىندارىنىڭ الەمدىك پراكتيكاسى زەردەلەندى. ۇلىبريتانيا, گەرمانيا, جاپونيا جانە رەسەيدىڭ وزىق تاجىريبەسى نەگىزگە الىندى. اتالعان ەلدەردە باسشىلىق قۇرام باسقارۋشىلىق, تەحنيكالىق جانە كوممۋنيكاتيۆتىك داعدىلاردى, كوشباسشىلىق قابىلەتتەردى دامىتۋ بويىنشا جۇيەلى تۇردە وقىتىلادى», دەدى ەرلان تۇرعىمباەۆ.
وقۋ باعدارلاماسى ءۇش ايعا ەسەپتەلگەن. فاكۋلتەت تىڭداۋشىلارى اۋقىمدى باعىتتار بويىنشا (گەوساياسات, جوبالىق باسقارۋ, قىزمەتكەرلەرمەن جۇمىس, پسيحولوگيالىق دايىندىق, IT-ساۋاتتىلىق, قارجىلىق ساۋاتتىلىق) 12 ءمودۋلدى وقيدى.
كۋرستى جاقسى اياقتاۋ مانساپتىق ءوسۋ, ءىىم ورتالىق اپپاراتى دەپارتامەنتتەرىنىڭ باسشىلارى مەن اۋماقتىق بولىنىستەردىڭ ءبىرىنشى باسشىلارى لاۋازىمدارىنا قىزمەتكە تاعايىنداۋ كەزىندە ءوز سەپتىگىن تيگىزەتىن بولادى.
«كۇن سايىن دامىپ, وزگەرىپ جاتقان الەمدە پوليتسيا بۇرىنعى قالپىندا قالىپ قويماۋى كەرەك. ىشكى ىستەر ورگاندارىنىڭ قىزمەتكەرلەرى ۇنەمى ىزدەنىستە بولىپ, جان-جاقتى دامۋى قاجەت. سوندىقتان دا ءبىرىنشى باسشىلار جەكە قۇرام ءۇشىن ءاردايىم ۇلگى بولادى», دەپ اتاپ ءوتتى ءىىم باسشىسى.
