وسىلايشا, رەسپۋبليكالىق ماڭىزى بار جولدارداعى اقىلى ۋچاسكەلەرمەن جەڭىلدىكپەن جۇرەتىندەردىڭ قاتارىنا ۇوس ارداگەرلەرى مەن ولارعا تەڭەستىرىلگەن تۇلعالاردى قوسۋ كوزدەلۋدە. قازىر زاڭ جوباسى قر پارلامەنتى ماجىلىسىندە قاراستىرىلىپ جاتىر.
بۇگىندە اقىلى جولعا ىرگەلەس ەلدى مەكەندەردە تۇراتىن پايدالانۋشىلاردىڭ ءبىر اۋداننىڭ شەگىنە ءوتۋ ءۇشىن 1000 تەڭگەنى قۇرايتىن جىلدىق تاريفتى قولدانۋعا مۇمكىندىگى بار.
جولاۋشىلاردى تۇراقتى تاسىمالداۋدى جۇزەگە اسىراتىن اۆتوبۋستار, اقىلى جولعا ىرگەلەس اۋداندارداعى اۆتوبۋستار, جەدەل مەديتسينالىق كومەك قىزمەتتەرى, ءورت ءسوندىرۋ جانە توتەنشە جاعدايلار قىزمەتتەرى, پاترۋلدىك پوليتسيا مەن اسكەري تەحنيكالار تاريفتەردەن بوساتىلعان.
ەستەرىڭىزگە سالا كەتەيىك, بيىل ۇزىندىعى 5,8 مىڭ شاقىرىم جولدى اقىلى ەتۋ بويىنشا جۇمىستار جۇرگىزىلۋدە. بۇل كەلەسىدەي جول ۋچاسكەلەرى: «شىمكەنت – وزبەكستان شەكاراسى», «ورال – رف شەكاراسى (ساراتوۆ)», «ورال – رف شەكاراسى (سامارا)», «رف شەكاراسى (ورەنبۋرگ) – اقتوبە», «ششۋچينسك – پەتروپاۆل», «قوستاناي – رف شەكاراسى (ترويتسك)», «شىمكەنت – قىزىلوردا», «شىمكەنت – تاراز», «تاراز – قاينار», «قاپشاعاي – تالدىقورعان», «اتىراۋ – بەينەۋ – وزبەكستان شەكاراسى», «قارابۇتاق – قىزىلوردا», «اقتوبە – ورال», «اقتاۋ – بەينەۋ», «نۇر-سۇلتان – قوستاناي», «پاۆلودار – رف شەكاراسى (ومبى)», «نۇر-سۇلتان – پاۆلودار», «پاۆلودار – سەمەي – قالباتاۋ».
