وسىنداي ماڭىزدى جارىستىڭ تاشكەنتتە ءوتۋى تەگىن ەمەس. سوڭعى كەزدەرى ايتۋلى مەملەكەتتىڭ بىلعارى قولعاپ شەبەرلەرى تولاعاي تابىستارعا قول جەتكىزىپ ءجۇر. ونىڭ مويىنداۋعا ءتيىسپىز. ماسەلەن, 2016 جىلى ريو-دە-جانەيرودا الاۋى تۇتانعان وليمپيا ويىندارىندا 3 التىن, 2 كۇمىس جانە 2 قولا مەدالدى ولجالاعان وزبەكستان قۇراماسى جالپى كوماندالىق ەسەپتە كوش باستادى. 2017 جىلى گامبۋرگتە وتكەن الەم چەمپيوناتىندا 6 جۇلدەنى (1 التىن+3 كۇمىس+2 قولا) يەلەنگەن ولار ەكىنشى ساتىعا جايعاستى. 2019 جىلى ەكاتەرينبۋرگتە ۇيىمداستىرىلعان دۇنيەجۇزىلىك دودادا 5 رەت (3+1+1) جەڭىس تۇعىرىنا كوتەرلىگەن «الا تاقيالىلار» كوماندالىق سايىستا قايتا ءبىرنشى ورىندى ەنشىلەدى. وسىنىڭ بارلىعىن ەسكەرگەن ايبا باسشىلىعى بايراقتى باسەكەنى وتكىزۋدى وزبەكستانعا سەنىپ تاپسىرىپ وتىر.
تاشكەنتكە جۇمىس ساپارىمەن جۇرگەن ۋمار كرەملەۆ: «مىقتى بوكسشىلار مەن چەمپيوندار شوعىرلانعان وزبەكستاندى 2023 جىلعى الەم چەمپيوناتىن وتكىزەتىن ەل رەتىندە تانىستىراتىنىما قۋانىشتىمىن. بۇل جارىس جوعارى دەڭگەيدە ۇيىمداستىرىلىپ, تاشكەنت تورىندە تارتىستى جەكپە-جەكتەر وتەدى دەپ سەنەمىن», – دەپ ءوز ءسوزىن قورىتىندىلادى.
